Marc 6:34 - Nouveau Testament en Gulay 2004

³⁴ Loo ke Jésu rise nang kêm ngonn bato’t ɓaa, an kosdoo-bulege. E an kumndoo le de tede tooi asinan se batege ke njèkul de goto bè. E an kumndoo le de ade unn gir ndó de tàge ngain bè.

Marc 6:34 Iomraidhean Croise

Matthieu 14:14

Jésu in kêm bato’t rise nang. Doobulege ngain kujei nan rann’t hakl. E an kumndoo le de a, è ɔr ratur ra njératurge’t le de a tɔ.

Matthieu 15:32

Jésu ɓar njékuwe-girnge rann’t ede de ede nè: – Man m’an kumndoo le doobulege nè nga. An-in! ei ndii se’m ase ndɔ mute nè ingei nyan usei lé. Man m’ndige le kinye de kade awi kêm de ɓo lé nè bainléa kumkil à ra de rebe.

Matthieu 9:36

Jésu an kumtondoo le doobulege tede ɔri yàl-yàl a, awi dè nan’t ɗɔtɔtɔ asenan se batege ke njékul dege gotoi bè a tɔ.

Marc 6:33

Dooge ngain an-in de loo kaw’t a, geri loo ke d’a d’aw ke tutu a tɔ. Dooge in-in se kêm ɓee-ɓee malang awi se nja de teei loo ke Jésu se njékuwe-girnge à awi ke tutu nga kété.

Marc 6:35

Nain ngɔr kade kàde ur. Njékuwe-gir-Jésuge reei rann’t edi nin edi nè: – Loo ke nè nga è ngang loo ke nata karè a, kàde géa à ur ngɔr a tɔ.

Marc 8:1

Kêm ndɔn’t nè nga, kosdoo-bulege teli kebi nan ra Jésu’t. Nyan ke bè le kade usei goto. Jésu ɓar njékuwe-girnge rann’t ede de ede nè:

Marc 8:2

– M’an kumndoo le kosdooge nè nga. An-in! dé ndi se’m ase ndɔ mute ɓila. Nè ɗarinè nyan ke bè le kade d’use goto.

Tà ke Maje ke Luc ndang 9:11

Loo ke kosdoo-bulege geri tà kaw de ɓaa, ndolèi go de. Jésu uwe de ke rann’t ede de tà ke ɔje dè Konɓee le Nube a, dooge ke awi ndoo kade ratur ɔr dè de’t nga, è ɔr ratur ra de’t a tɔ.

Hebreuge 2:17

Gir’n ke nè á, gar-gar Jésu tel tanan se ngakonnge tcha-tcha dè nyange’t malang tede kade tel ee’n maw njèkuje nyan-mese le Nube a, taɓai è njè kem̂kanm ke dooge asi kundei kem̂ de dènn’t tede kase ke è ase kɔr se-kaiyage le kosdooge malang kade taai kum Nube kerɔte.

Hebreuge 4:15

Kerɔte kuwe, maw njèkuje nyan-mese le jéi nga ase ra se jéi dè yaige’t le jéi kuwe. Loo ke ndɔ nain dè nang nè ɓai nga, nyange nan’n titeke nan’n jéi bè tɔ, nè è ute kaiya mbeng.