Marc 6:3 - Nouveau Testament en Gulay 2004

³ Ké n’ee nga n’ee njè tɔl kagege ke n’ee ngonn le Marie nga lé wa? Ké Jacques se Joses se Jude se Simon nga ei ngakonyége lé wa? Ké kon nannége ei dann jéi’t laa lé wa? Kêm dooge ke Nazareth on de ngain dè Jésu’t ade undei kêm de dènn’t lé.

Marc 6:3 Iomraidhean Croise

Matthieu 11:6

Doo ke nyange ke m’ra tuge’n jig’t ile’n lé ɓaa, ra’n à nel’n kuwe.

Matthieu 12:46

Loo ke Jésu ndi à ede kosdoo-bulege tà bè-bè ɓai ɓaa, an! kon’n se ngakonnge ke dingem reei ndai nata. Ei sangi le kedi nin tà.

Marc 15:40

Dinyege ke nange ndai heb an-in nyan ke d’ade ra se Jésu nga sêw-sêw. Marie ke ɓee le’n è Magdala, Salomé se Marie ke kon Jacques ke ndêin a, se Joses a tɔ, ei se de nan’t.

Marc 3:18

André, Philippe, Barthélemy a, Matthieu a, Thomas, Jacques ngonn le Alphée a, Thaddée, Simon doo ke ɓee le’n è Cana a,

Tà ke Maje ke Luc ndang 2:34

Siméon tɔr tà’n dè de’t ɓaa, è ede Marie ede nè: – An! ngonn nè nga Nube ɔr’n unde’n ke nyan-tɔje. A è gir koso a, à è gir kɔse nang kin le dooge bule ke ɓeekon ke Israel. Ngonn nè nga, à è nyan-tɔje le Nube. Nè dooge à uteii mbeng.

Tà ke Maje ke Luc ndang 7:23

Nanan ke nyange ke m’ra tuge’n jig’t ile’n lé ɓaa, ra’n à nel’n.

Tà ke Maje ke Luc ndang 8:20

Doo karé ree ede’n ede nè: – Koin se ngakoinge ndai nata non ndigi kilei kum de dèi’t.

Jean 14:22

– Kuwe-ɓee, ké bain jè tá a kɔrgir rai kade jè anje kɔr kade dooge ke dè nang nè wa?

Jean 6:42

Dé tel d’ede nan d’ede nè: – Ké è nè nga è Jésu ngonn le Joseph ke jè geri bɔ’n se kon’n mbak nè nga lé wa? Dé tam bè tede tà ke Jésu tam kété ede nè: «Mapa ke in danrán nga, è man.»

Nyanra Njekawkulege 1:13

Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 12:17

Pierre yei de ji’n le kade d’ebe’t tam tà. E ɔr ser kɔr ke Kuwe-ɓee ɔr’n dangai’t ade d’oo. Pierre tel ede de ede nè: – Ɔri ser nyan nè nga adi Jacques se njétaakêm-Kristge ke rang ooi. Go’t gugu, è unde loo tee aw loo ke rang’t.

1 Nje Ke Corinthe 1:23

Nè jè ɓaa, j’ile mber tà le Krist ke dé ɓer’n kade kage-ke-dese’t. Krist ke dé ɓer’n kàde kage-ke-dese’t nga è jig ke tuge nja Juipge ile de a, è nyan mbe tàkum njé ke ei Juipge lé a tɔ.

1 Nje Ke Corinthe 9:4

Ké m’aw se tɔgmong le kinge nyankuse éké nyankain tede kulege ke m’ra nga lé wa?

Nje Ke Galatie 1:19

M’an doo ke rang dann njékawkulege’t lé, nè Jacques ngokon Kuwe-ɓee kuwe se kar’n á m’an’n.

1 Pierre 2:4

Agi ngɔr ke ra Kuwe-ɓee Jésu ke è kuberi her ke kumgajer. Kuberi her ke kumgajer nè nga, dooge mbati nin, nè gate’n è ngain tàkum Nube’t á è ɔr’n unde’n gai.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.