Marc 6:15 - Nouveau Testament en Gulay 2004

¹⁵ Dooge ke nange tami edi nè: – E Elie. Njé ke nange ke rang tami edi nè: – E njèribe-dè-tà ke tà Nube’t ke tite made’n karé dann njéribe-dè-tàge ke kété mari á unde loo tee dann njé ke koo’t.

Marc 6:15 Iomraidhean Croise

Matthieu 16:14

Dé d’ile’n dè’t d’ede nè: – Njé ke nange tami edi nè: i i Jean ke njèkule dooge manné njonm, njé ke nange tami edi nè: i i Elie, njé ke nange ke rang edi nè: i i Jérémie éké njèribe-dè-tà ke tà Nube’t karé.

Matthieu 21:11

Njé ke nange dann doobulege’t nè tami edi nè: – E Jésu njèribe-dè-tà ke tà Nube’t ke ɓee ke Nazareth ɓeekon ke Galilée.

Marc 6:16

Nè loo ke ngar Hérode Antipas oo sertàge nè nga bè ɓaa, è tam kêmn’t ede nè: – E Jean ke njèkule dooge manné njonm ke ndɔ ke m’ade dé tuge kobe’n dé gang nè nga kuwe á unde loo tee dann njé ke koo’t non.

Marc 8:28

Dé d’ede’n d’ede nè: – Doo ke nange tami edi nè: I Jean ke ndɔ ke è njèkule dooge manné njonm; njé ke nange edi nè: I Elie; njé ke nange ke rang edi nè: I njéribe-dè-tà ke tà Nube’t karé dann njéribe-dè-tàge’t le’n ke mari.

Tà ke Maje ke Luc ndang 1:17

E à njiye kété non Nube’t se tɔgmong le Ndil a, se tɔgmong ke Elie njèribe-dè-tà ke tà Nube’t ra’n kule kété mari. E à um bɔ ngannge nan’t se ngann dege. E à tel njékaltàge kade ei njéra nyan danné sêwge. E à uwe dè nja njé ke nange dann kosdooge ke Israel. E ra titeke bè le kade dé ndi dè nja de’t tchên le kuwe Kuwe-ɓee ke ra de’t a tɔ.

Tà ke Maje ke Luc ndang 7:16

Dooge malang ke an-in nyan nè nga, ɓel unde de ndàt gang de ade ulei ndubra dè Nube’t edi nè: – Njèribe-dè-tà ke tà Nube’t karé ke bò unde loo tee dann jéi’t! E Nube kuwe á ree din-in kosdooge le’n!

Tà ke Maje ke Luc ndang 7:39

Loo ke Simon ke njè ɓar Jésu nga an nyan nè nga titeke bè ɓaa, è girtà kêmn’t ede nè: – Ke nè á dingem nè è njèribe-dè-tà ke tà Nube’t kerɔte ɓaa, ayé ger titeke dinye ke ɔde ra’n nè nga, è dinye ke d’an’n ke kaiya-dinye kuwe.

Tà ke Maje ke Luc ndang 9:19

Dé tel d’ile’n dè’t d’ede nè: – I nga dooge ke nange tami tà ɔji dèi edi nè: «I Jean ke ndɔ ke è njèkule dooge manné njonm, njé ke nange giri kêm de’t edi nè: i Elie, njé ke nange ke rang tami edi nè: i njèribe-dè-tà ke tà Nube’t ke kété mari á unde loo tee dann njé ke koo’t.»

Tà ke Maje ke Luc ndang 9:8

Njé ke nange tami edi nè: – E Elie njèribe-dè-tà ke tà Nube’t á unde loo tee hɔi. Njé ke rang edi nè: – E doo karé ke dann njéribe-dè-tàge ke tà Nube’t ke kété mari á unde loo tee dann njé ke koo’t.

Jean 1:21

Dé tel dé deje’n d’ede nè: – A ɓaa ké i nan ta wa? Ké i Elie wa? Jean ile de dè’t ede nè: – Man m’ee è lé. Dé tel dé deje’n d’ede’n nè: – A ɓaa ké i njèribe-dè-tà ke tà Nube’t wa? Jean ile de dè’t kuwe ɓai ede nè: – Ḿ-m̀, man m’ee è lé ɓai.

Jean 1:25

Ei deji Jean njèkule dooge manné njonm tà kum de ke kété-kété edi nè: – Ke nè á i Krist lé a, i Elie lé a, éké njèribe-dè-tà ke tà Nube’t lé a tɔ ɓaa, ké bain á i ule dooge manné njonm wa?

Jean 6:14

Loo ke dooge nè an-in nyankɔbe ke Jésu ra nga bè ɓaa, ei tami edi nè: – Doo nè nga è ngarankum njèribe-dè-tà ke tà Nube’t ke ndɔ ke ayé kule’n kade ree dè nang nè nga kuwe gar-gar á nda nè.

Jean 7:40

Loo ke njé ke nange dann doobulege’t ooi tàge nè nga bè ɓaa, ei tami edi nè: – Loo naje’n goto, doo nè nga è njèribe-dè-tà ke tà Nube’t kuwe.

Jean 9:17

Pharisienge teli deji doo ke kété è njèkumtɔ nga edi nè: – Njè kade kumi teen ade an’n loo nga, ké tà ri á i tam ɔje’n dè’n wa? Dingem ke kété è njèkumtɔ tel ile de dè’t ede nè: – E njèribe-dè-tà ke tà Nube’t kerɔte kuwe.