Marc 6:14 - Nouveau Testament en Gulay 2004

¹⁴ Ngar Hérode Antipas oo titeke kɔbe Jésu oso se loo mbit-mbit ade dooge ke nange tami edi nè: – E Jean ke ndɔ ke è njèkule dooge manné njonm nè á unde loo tee dann njé ke koo’t. Gir’n ke nè á aw’n se tɔgmong le ra’n nyankɔbege gai-gai.

Marc 6:14 Iomraidhean Croise

Matthieu 9:31

Nè loo ke njékumtɔge ke joo nè undei loo teei ɓaa, mbɔr bè kuwe adi kɔbe Jésu oso se loo mbit-mbit kêm ɓeekon’t nè nga.

Marc 1:28

Ke loon’t nè kuwe, kɔbe nyan ke Jésu ra nga oso se loo mbit mbit kêm ɓeekon ke Galilée bere mbak.

Marc 1:45

Nè loo ke dingem nè ɔte aw ɓaa, è unn gir kɔrgir nyan ke tee nè nga ase’n loo nák-nák. Gir’n ke nè á Jésu ase kum kaw ɓee-bò’t tàkum dooge’t ndái-ndái lé. E ndi ngang loo’t nata nè dooge in-in se loo-loo reei rann’t som-som.

Marc 8:28

Dé d’ede’n d’ede nè: – Doo ke nange tami edi nè: I Jean ke ndɔ ke è njèkule dooge manné njonm; njé ke nange edi nè: I Elie; njé ke nange ke rang edi nè: I njéribe-dè-tà ke tà Nube’t karé dann njéribe-dè-tàge’t le’n ke mari.

Tà ke Maje ke Luc ndang 13:31

Kêm ndɔn’t nè nga Pharisienge ke nange reei edi Jésu edi nè: – Unde loo kêm ɓeekon ke Galilée i tee kɔke aw rang tede ngar Hérode Antipas ndige le kade dé tɔli.

Tà ke Maje ke Luc ndang 3:1

Ngar ke bò, Tibère César on ɓee ɓal dɔg-gidé-mi. Ngar Ponce Pilate on ɓee dè nang’t le Juda. Ngar Hérode Antipas on ɓee dè nang ke Galilée. Kêm ɓalnge’t nè nga, ngar Philippe ngokon Hérode Antipas ke tɔg on ɓee dè nang ke Iturée se Trakonite. Ngar Lysanias è njèkonɓee ke dè nang ke Abilène a tɔ.

Tà ke Maje ke Luc ndang 7:17

Kɔbe nyan ke Jésu ra nè nga oso se loo mbit-mbit kêm ɓeekon ke Judée bere mbak a, se kêm ngann ɓeege ke gan-in dè’n wàk a tɔ.

Tà ke Maje ke Luc ndang 9:19

Dé tel d’ile’n dè’t d’ede nè: – I nga dooge ke nange tami tà ɔji dèi edi nè: «I Jean ke ndɔ ke è njèkule dooge manné njonm, njé ke nange giri kêm de’t edi nè: i Elie, njé ke nange ke rang tami edi nè: i njèribe-dè-tà ke tà Nube’t ke kété mari á unde loo tee dann njé ke koo’t.»

1 Nje Ke Thessalonique 1:8

Kerɔte kuwe, Tà ke Maje le Kuwe-ɓee in ra si’t aw tee kem̂ ɓeekonge ke Macédoine se Achaie. Tá è è ke nè á karé lé, nè kɔbe kundekem̂ dè Nube’t le si nga oso se loo mbit-mbit ade j’aw ndoo kɔr ser’n lé ta.

Hebreuge 2:4

Nube kuwe géa ra nyan-tɔjege se nyange ke dum kum a, se nyankɔbege gai-gai le kade njékɔrgo tàge an-in tà tam de ke ngarankum tà le’n è Nube kuwe. Taɓai, Nube kai nyan-nojege le Ndil-Kem̂nda se go kem̂ndige le’n è kuwe.