Marc 5:7 - Nouveau Testament en Gulay 2004

⁷ E tam tà se ndu’n ke bòi ede nè: – Ké usi ri ram’t wa? I Jésu Ngonn Nube ke Njèndi sêm danran’t. M’ndêti se ri Nube le kade i ra se’m ndáng lé.

Marc 5:7 Iomraidhean Croise

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Matthieu 26:63

Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?

Matthieu 4:3

E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Matthieu 8:29

Dingemge nè nga tami se ndu de ke bòi beng edi nè: – I Jésu nga ké usi ri ra jé’t wa? Ké i ree le ra kum jé ndoo ɓá ta wa?

Marc 1:24

– Ké usi ri ra jé’t wa? I Jésu ke Nazareth. Ké i ree le tuju jè kɔke ta wa? Man m’geri mbak, i i ke njè maje kɔr njêt le Nube.

Marc 14:61

Nè Jésu ndi an’n mar-mar anje kile maw njèkuje nyan-mese dè’t. Maw njèkuje nyan-mese tel deje Jésu ede nè: – Ké i nga kuwe á i Krist, Ngonn le Nube le jé ke jè ɗɔi’n nè nga wa?

Marc 3:11

Dɔ-dɔ loo ke ndilge ke majelé an-in Jésu ɓaa, ei osoi nang njann’t ɓari nin kaláng-kaláng edi nè: – I, i Ngonn Nube kerɔte kuwe.

Marc 5:6

Loo ke è an Jésu heb ɓai kuwe ɓaa, è tɔ ngɔde ree ɔse keje’n nonn’t.

Marc 5:8

E tam tà nè nga titeke bè tede kunn ke Jésu unn ndu’n ade ndil ke majelé ede nè: – I ndil ke majelé, unde loo i tee kêm dingem’t nè nga kɔke.

Tà ke Maje ke Luc ndang 1:32

A è doo ke bò a, d’a ɓar’n Ngonn Nube ke njèdum dè nyange malang. Kuwe-ɓee Nube le jéi à ade à è ngar titeke ndɔ ke unn’n ndu’n ade kà’n ngar David.

Tà ke Maje ke Luc ndang 4:34

– Hai, Jésu ke Nazareth! Ké usi ri ra jé’t wa? Ké i ree le tuju jè kɔke ta wa? Man m’geri mbak: i i njèkawkule le Nube ke è kuwe ɔri undei se ninn’n gai.

Tà ke Maje ke Luc ndang 6:35

Nè sei ɓaa, i tári njébange le si, i rai de maje, adi dooge tunei sei nyan, nè i giri kêm si’t edi nè: «M’a tel kinge gugu ɓai» lé. Titeke bè á, nyan-kuge dè ji si à ee’n ngain a, a k’eei ngann le Nube ke Njèndi sêm danran’t. Tede Nube ke Njèndi sêm danran’t nga, è njè ra maje se dooge ke geri loo tel ra’n oiyo lé a, è njè ra maje se njékêmyêrge a tɔ.

Tà ke Maje ke Luc ndang 8:28

Loo ke è tête kum’n an Jésu ɓaa, è oso nang njann’t, taɓai unn gir tam tà se ndu’n ke bòi beng ede nè: – Jésu, Ngonn le Nube ke njèdum dè nyange malang, ké ri lei á i sang ram’t wa? Kɔkrɔ karè, i ra kum ndoo lé.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Nyanra Njekawkulege 16:17

Ngonn ke dinye nè nga tɔse ngire gande jé se Paul ndêng-ndêng. E ra nyan go jé’t kaláng-kaláng ede nè: – Dooge nè nga ei ɓer kulege le Nube ke njèndi sêm danrán’t. Ei reei ilei mber rebe kaje adi sei.

Nyanra Njekawkulege 19:13

Nè Juipge ke nange ke njé rɔ ndilge ke majelé kêm dooge’t in-in awi se loo-loo ke le de tɔ. Ei kuwe in-in se dè de ɓari ri Kuwe-ɓee Jésu le rɔ’n ndilge ke majelé kêm dooge’t edi nè: – Man m’unn ndu’m m’ade sei se ri Jésu ke Paul ile mber tà le’n.

Nyanra Njekawkulege 8:36

Dé joo mbak d’uwe rebe le de ɗêk-ɗêk d’a d’aw. Nè mbɔr ɓaa, dé ree dé tee tà mann karé’t pan. Ke loon’t nè kuwe, doo ke Ethiopie nga tam se Philippe ede nè: – An! mann á tò nè. Ké ri á à ɔgi kule’m manné njonm wa? [

Nje Ke Rome 16:20

Nube ke kêmlom in rann’t à ade sei tɔgmong le kade i dumi dè njèban le si ngɔr ta. Maje kade kêmnoje le Kuwe-ɓee le jéi Jésu nain se si!

Hebreuge 2:14

Ngannge ke d’oje de se go danra nga ei dooge ke yo on ɓee dè de’t. Jésu géa ade d’oje’n ke doo made de bè tɔ. E ra tite bè tede le kɔr’n tɔgmong le njè kem̂ majelé ke njè tɔ ko dooge wont kɔke se go kwei le’n.

Hebreuge 7:1

Melkisédec nè nga, ndɔ ke è ngar ke kem̂ ɓee ke Salem. E njèkuje nyan-mese le Nube ke njè dum dè nyange malang. Loo ke ndɔ ke Abraham tête rɔ ngarge tel à ree ke ɓéee ɓaa, Melkisédec tile non’n se rebe tɔr ndu’n dènn’t.

Jacques 2:19

I gir titeke Nube è karé bere luk-luk. Tàgir lei aw loon’t kuwe. Nè ndilge ke majelé géa giri kem̂ de’t titeke bè tɔ, nè ɓel ra de ade ndebi nginn-nginn.

2 Pierre 2:4

Dooge ke danrán ke ndɔ ke rai majelé nga, Nube ngonm de rann’t lé. Nè è inye de ade dé tɔ de se sul d’um de kem̂ bolè ke ndul ndin-ndin ngine’n ndɔ gangtà.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

Jude 1:6

Adi kem̂ si olé dè dooge ke danrán ke mbati ngonmi riɓar ke d’ule dè de’t a, ke ndɔ ke inyei loo ndi de ke ɔje dè de. Nube ngonm de dann loo ke ndul ndin-ndin’t se sul ji de’t se nja de’t dangai’t sár se non ngine’n ndɔ gangtà ke bò.

Lookilera’n 12:12

Gir’n ke nè sei dooge ke i ndii danrán, i rai ranel. Nè sei dooge malang ke i ndii dè nang nè éké nyange malang ke dann ba-bò kate’t nga, a an-in ɓai! Sú nga wong ra’n ngain ade rise nanga à aw sei non. E ger mbak titeke ndɔ le’n nain ndêin bè karè ta.»