Marc 5:37 - Nouveau Testament en Gulay 2004

³⁷ Jésu inye loo ade doo karé ke rang dann’n lé, nè ade Pierre se Jacques se ngokon’n Jean danni nin awi se’n.

Marc 5:37 Iomraidhean Croise

Matthieu 17:1

Loo ke ra ndɔ mute-mute ɓaa, è ɔr Pierre se Jacques se ngokon’n Jean njɔl aw se de se kar de bere dè mbal ke ngal lêng-lêng.

Matthieu 26:37

Jésu ade Pierre se ngann le Zébédéege ke joo awi se’n nan’t. Nyantosowur unn gir taa ra’n pel-pel ade kàde’n gete get-get.

Marc 14:33

E ade Pierre, Jacques se Jean á danni nin. Ɓel unn gir kunde’n ndàt gang’n ade kàde’n gete get-get.

Marc 9:2

Loo ke Jésu ede njékuwe-girnge tà yoo’n se kunde loo tee le’n dann njé ke koo’t, ra ndɔ mute-mute ɓaa, è ɔr Pierre, Jacques se Jean njɔl ade awi se’n dɔ dè mbal karé’t bè. Ra’n tel waks tàkum de’t.

Tà ke Maje ke Luc ndang 8:51

Loo ke Jésu aw tee ɓéee ɓaa, è inye loo ade doo karé ke rang aw se’n kêm kei dè ninn ngonn ke dinye’t nè nga lé. Nè è inye loo ade Pierre, Jean, se Jacques, bɔ ngonn se kon ngonn ke dinye nè ade awi se’n kei.

Nyanra Njekawkulege 9:40

Pierre ade dooge malang teei nata. E ɔse keje’n nang ɔje tà se Nube ɓita tel tur ra’n ke dè ninn’t ede nè: – Tabitha ɔse nang in dɔ. Ke loon’t nè kuwe, Tabitha teen kum’n yerer an Pierre. E gɔl ra’n yák-yák in ndi dɔ ngêrêng.

2 Nje Ke Corinthe 13:1

Kaw ke m’a m’aw ɓéee le si nè nga, è njèkon’t mute ta. Titeke Magtub le Nube tam’n ede nè: «Doo ke tà oso dènn’t ɓaa, tà ke à tee tà njékɔrgo tàge joo éké mute kuwe ase gɔl tà nè malang kade oso nan’t.»