Marc 5:35 - Nouveau Testament en Gulay 2004

³⁵ Loo ke tà nè nain tà Jésu’t ɓai ɓaa, dooge in-in kêm kei le Jairus ngar dè kei kebe nan, reei edi nin edi nè: – Ngonni ke dinye nga wei ɓá ta. Ké ri taɓai á ɔge’n njèndó dooge nyan taa kebe wa?

Marc 5:35 Iomraidhean Croise

Matthieu 26:10

Jésu oo tà ke dé tam nè nga mbak. E deje de ede nè: – Ké è tede ri á i rai dinye nè nga adi ɔr’n yàl-yàl bè wa? Nyan ke è ra se’m nè nga è nyan ke maje.

Matthieu 26:18

Jésu tel ile de dè’t ede nè: – Ɔti awi kêm ɓee-bò’t kêm kei le doo karé edi nin edi nè: «Njèndó dooge nyan tam ede nè: Ndɔ le’m nain ngɔr. Man se njékuwe-girmge j’à j’use mapa ke ɔje dè nan Paque nga kêm kei lei.»

Matthieu 9:18

Loo ke Jésu ndi à ede de tàge nè nga bè-bè ɓai ɓaa, ngar dè kei kebe nan ree ngɔr ke rann’t ɔse keje’n nang ede nè: – Tà ngonn’m ke dinye tête nyonk ɗarinè ɓai, i ree ile ji dènn’t ɓaa, à tel ndikumgajer ɓai.

Marc 10:17

Loo ke Jésu in oso rebe le kaw ɓaa, dingem karé bè an-in ngɔde ree ɔse keje’n nang nonn’t. E deje’n ede nè: – Ngar, i i doo ke maje, ké m’a ra ri á le kinge’n ndikumgajer se non nga wa?

Marc 5:22

Dingem karé bè ri’n nè Jairus. E ngar dè kei kebe nan karé dann madennge’t aw ra Jésu’t. Loo ke è an’n ɓaa, è ɔse keje’n nang nonn’t.

Tà ke Maje ke Luc ndang 8:49

Loo ke tà nain tà Jésu’t ɓai ɓaa, njèkule karé in kêm kei le Jairus, ngar dè kei kebe nan ree ede’n ede nè: – Ngonni ke dinye nga tà’n tête ɓá, an tá nè à kade njèndó jéi nyan ɔr se ndáng karè.

Jean 11:21

Marthe ede Jésu ede nè: – Kuwe jé, ke nè á ndɔ ke i nè ɓaa, ngokon’m ayé kwei bè lé ɓai.

Jean 11:25

Jésu tel ede Marthe ede nè: – Man nga m’ee njèkade dooge undei loo teei dann njé ke koo’t. Man nga, m’ee njèkade dooge ndii kumgajer a tɔ. Nanan ke unde kêm’n dèm’t, ke nè á wei géa à tel ndi kumgajer ɓai.

Jean 11:28

Loo ke Marthe tam tà nè nga titeke bè ɓá ɓaa, ɔte aw ɓar ngokon’n Marie ede’n mêt ede nè: – Kuwe jé ree nda rebe non, è ɓari kade aw inge’n.

Jean 11:32

Loo ke Marie ree tee loo ke Jésu nda tutu tête kum’n an’n ɓaa, unde burmba nonn’t ede’n ede nè: – Kuwe jé, ke nè á ndɔ ke i nè ɓaa, ngokon jé ayé kwei bè lé ɓai.

Jean 11:39

Jésu ede de ede nè: – I ndubri kuberi her nè nga kɔke. Marthe kon nann njèyo Lazare ede Jésu ede nè: – Kuwe-ɓee, ninn Lazare in ndum ɓá tede ɓila ra ndɔ sɔ ta.

Jean 5:25

Kerɔte kuwe, man m’ede sei ndàt, kàde kade njé ke koo ooi ndu Ngonn Nube nga ree ɗarinè ɓá ta. Njé ke à ooi ndu Ngonn Nube nga à ndii kumgajer.