Marc 5:23 - Nouveau Testament en Gulay 2004

²³ E ndête Jésu ɓɔk-ɓɔk ede nè: – Ngar, ngonn’m ke dinye tò tà yo’t. M’deji le kade i ree ile jii dènn’t aje’n ade’m, m inye’n ade wei lé.

Marc 5:23 Iomraidhean Croise

Matthieu 8:3

Jésu ule ji’n ɔde’n ra njèbanje nè nga ede nè: – M’ndige sei bè kuwe, maje kade rai tel tò karè ndát-ndát. Ke loon’t nè kuwe ra njèbanje tel tò karè ndát-ndát.

Marc 16:18

Ke nè á d’uwe li jênênnge se ji de, ke nè á d’an-in kugege ke asikum tɔl de géa, à rai se de nyan karé bè lé a tɔ. Ke nè á d’ile ji de dè njératurge’t ɓaa, ra de à tel mong maj-maj a tɔ.

Marc 5:24

Jésu in aw se Jairus. Kosdooge ngain ndolèi goo’n awi rusi nan rann’t njàng-njàng.

Marc 6:13

Njékuwegir-Jésuge rɔi ndilge ke majelé bule ngain kêm dooge’t a, ndumi wubu dè njératurge’t bule ɔri raturge dè de’t a tɔ.

Marc 7:32

Dooge ke nange reei se dingem karé ke njè mbi mbe ra Jésu’t. Dingem nè nga gaker tà ngain. Dé ndête Jésu le kade ile ji’n dènn’t aje’n ade de.

Marc 8:23

Jésu uwe ji njèkumtɔ nè nga ɔr’n njɔl aw se’n gide ɓee’t nata. Go’t gugu è ra mann tà’n jinn’t ɔde’n kum njèkumtɔ nè nga ɓaa, è deje’n ede nè: – Ké an loo lit-lit ndêin wa?

Tà ke Maje ke Luc ndang 13:13

Jésu ile ji’n dè dinye’t nè nga ɓaa, ke loon’t nè kuwe è ute tà’n dɔ a, è unn gir kule ndubra dè Nube’t se ndɔ karé-karé malang a tɔ.

Tà ke Maje ke Luc ndang 4:38

Jésu unde loo kêm kei kebe nan’t tee aw kei le Simon. Wum Simon ke dinye oso se ratur ade ra’n taa por làm-làm. Dé deje Jésu le kade ra se’n.

Tà ke Maje ke Luc ndang 4:40

Loo ke gir ndɔ taa kebe gang ade kàde ur ɓá ɓaa, dooge malang otoi njératurge ke raturge gai-gai ra de reei se de som-som ra Jésu’t. E ile’n ji’n dè de’t karé-karé malang, ɔr’n ratur ra de’t.

Tà ke Maje ke Luc ndang 7:12

Loo ke nain ngɔr kade Jésu tee tà kei geng’t le ngonn ɓee nè ɓaa, dooge unni ninn kage-tée siriri darii deĵ awi ke ɓada. Basa doo ke wei nè nga, è ngonn ke dingem ke dagi ji konn’t ke njèkei-kinge. Doobulege ngain kêm ɓee’t nè awi se kon ngonn nè nga nan’t ɓada tɔ.

Jean 11:3

Marthe se Marie ulei kule ra Jésu’t edi nin edi nè: – Kuwe-ɓee, an! madi ke i tár’n ngain nga tò tà yo’t.

Nyanra Njekawkulege 28:8

Bɔ Publius tò dè tire ratur’t. Ra’n taa por làm-làm a, ndêng mese ngain a tɔ. Paul aw an’n, è ile ji’n dènn’t ɔje’n tà se Nube tede’n. Bɔ Publius in aje katch-katch.

Nyanra Njekawkulege 6:6

Dé ree se dooge nè nga, d’unde de non njékawkulege’t. Njékawkulege ɔji tà se Nube tede tà le dooge ke d’ɔr de nè ɓita undei ji de dè de’t ɓai.

Nyanra Njekawkulege 8:17

Gir’n ke nè á Pierre se Jean undei ji de dè dooge’t ade ingei Ndil-Kêmnda.

Nyanra Njekawkulege 9:12

Nyanpinde’n ade an dingem karé ke ri’n nè Ananias, è aw goon’t kei unde ji’n dènn’t le kade kum’n tel an loo.

Nyanra Njekawkulege 9:17

Ananias in aw kêm kei go Saul’t ɓaa, è unde ji’n dènn’t ede’n ede nè: – Ngokon’m Saul, Kuwe-ɓee Jesu ke kété tee dèi’t pan rebe ke a i ree’n nga ule’m le kade i tel an loo a, le kade Ndil-Kêmnda taa kêmi pel-pel a tɔ.