Marc 5:14 - Nouveau Testament en Gulay 2004

¹⁴ Loo ke njé ngonm dege an-in nyan ke tee nè bè ɓaa, in-in se ngɔde awi se tà nè nga asi loo nák-nák kêm ɓee-bò’t se ngann ɓeege. Dooge teei som-som le kawi kan-in nyan ke tee nè nga se kum de.

Marc 5:14 Iomraidhean Croise

Matthieu 7:6

Nyan ke tò se ninn’n gai nga adi bisege lé a, i tilei mede-ngarge le si nang non kɔsnyonge’t lé a tɔ, nè bainléa à tubei nja de’t nang le teli ton-in sei dè’t ɓai.

Matthieu 8:33

Njékul kos kɔsnyonge nè teti nan an-in awi kêm ɓee-bò’t. Ei ɔri ser nyange malang ke tee dè kɔsnyonge’t se dè dingemge joo ke kété ndilge ke majelé tooi kêm de’t kêrêr-kêrêr adi dooge ke rang ooi .

Marc 5:13

Jésu inye loo ade de. Ndilge ke majelé undei loo teei kêm dingem’t nè nga, awi kêm kos kɔsnyonge’t ɓungei nan dè mbal’t dɔ jɔréi dann ba’t weii kabak. Kos kɔsnyonge nè nga asi aru dɔg loo jooge bè.

Marc 5:15

Loo ke dooge reei ra Jésu’t ɓaa, ei teri dingem ke kété kos ndilge ke majelé undei loo teei kêmn’t nga. Kum’n tel tête rɔk ade tule kubuge rann’t ndii’n maje pêt-pêt. Ɓel unde dooge ndàt gang de.

Tà ke Maje ke Luc ndang 8:34

Loo ke njé ngonm kos kɔsnyonge an-in nyan ke tee nè nga bè ɓaa, an-in nan awi se tà nè nga asi loo nák-nák kêm ɓee-bò’t se kêm kɔki ɓeege malang ke an-in dè’n.