Marc 4:8 - Nouveau Testament en Gulay 2004

⁸ E ke nange ke rang téei tosoi dè nang ke maje’t ɓaa, ubei a, tɔgi a, ɔri dè de a tɔ. Ke nange unde kum’n kɔr-mute, ke nange unde kum’n kɔr-mute-mute, ke nange unde kum’n aru a tɔ.

Marc 4:8 Iomraidhean Croise

Matthieu 13:23

Njar ko ke doo dubu dè nang ke maje’t nga tò asenan se doo ke oo tà a, ger gir’n a tɔ. Doo nè nga tò asenan se ko ke unde maje. E ke karé ann aru karé, è ke karé ke rang unde kum’n kɔr-mute-mute, è ke karé ke rang unde kum’n kɔr-mute tɔ.

Matthieu 13:8

Njar ko ke nange tée toso dè nang ke maje’t. Njar ko karé unde kum’n ase aru karé, njè ke rang unde kum’n ase kɔr-mute-mute, njè ke karé ke rang unde kum’n ase kɔr-mute a tɔ.

Marc 4:20

Njar ko ke rang ke nange ke téei tosoi dè nang ke maje’t nga, ei njé ke ooi Tà ke Maje ɓaa, taai se kêmnda káng. Taɓai, an-in dè Tà ke Maje nè nga ade loo ke nange kann’n tò tutu ase kɔr-mute-mute a, aru a tɔ.

Marc 4:7

E ke nange téei tosoi dann konnge’t ade konnge in-in pujuri dè de ade uri kuju karè.

Marc 4:9

Loo ke Jésu tam tà nè nga ile nang ɓá ɓaa, è tel ede kosdooge nè ede nè: – Nanan ke ka mbi’n tò tutu ɓaa, gar-gar maje kade ur mbi’n maje oo’n tà nè maje.

Tà ke Maje ke Luc ndang 8:15

Njar ko ke tée toso dè nang ke maje’t nga, ei dooge ke ooi Tà ke Maje se kêmnda káng ɓaa ngonmi dè ɓengre de’t a, ligri dè’t lagr-lagr sár adi kann de tò tutu.

Tà ke Maje ke Luc ndang 8:8

E ke nange tée toso dè nang ke maje’t ade ubei a, tɔgi a, ɔri dè de maje a tɔ. Dè ko karé-karé malang ide ase njar’n aru. Taɓai Jésu tam se ndu’n ke bòi ede nè: – Ke nè á mbi si tò tutu ɓaa, uri maje ooi tà ke m’ede sei nè.

Jean 15:5

Man m’ee kage nduu, sei sei balkum kage nduuge. Doo ke nanm kàde’m ade m’nain se’n a tɔ ɓaa, à ann ɗàk-ɗàk. Ke nè á m’nain se si lé ɓaa, sei asi ra nyan karé bè se dè ra si lé.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nje Ke Ephese 2:21

Takul’n è á kei ke rɔte tà nan’t bere mbak in nda’n dɔ jap le tel k’ee’n kei ke tò se ninn’n tede le Kuwe-ɓee a tɔ.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.