Marc 4:36 - Nouveau Testament en Gulay 2004

³⁶ Loo ke njékuwegir-Jésuge inyei doobulege ade awi ɓaa, ei unni Jésu kêm ngonn bato ke ndi kêmé kété awi se’n. Ngann batoge ke rang géa awi se de tɔ.

Marc 4:36 Iomraidhean Croise

Matthieu 8:23

Jésu al kêm ngonn bato’t. Njékuwe-girnge ndolèi goo’n.

Marc 3:9

Jésu ede njékuwe-girnge kade uwei dè nja ngonn bato undei konn tede le kade doobulege mboin-in de nang lé.

Marc 4:1

Jésu tel unn gir ndó dooge nyan tà ba’t. Kosdoo-bulege ngain njin nan rann’t njàng-njàng. E al ndi kêm ngonn bato’t. Kosdoo-bulege malang ndii nang rip-rip ngang ba’t.

Marc 4:37

Nganelmal ke bò unde loo tee pitring. Kɔr mann tal bungus-bungus aw kêm bato’t ade nain ngɔr kade rusu kêm’n neĵ.

Marc 5:2

Loo ke Jésu à rise ke nang kêm bato’t ɓai ɓaa, ke loon’t nè kuwe, dingem karé ke ndil ke majelé tò kêmn’t unde loo pitring tee dè ɓada dar’n deĵ.

Marc 5:21

Loo ke Jésu in gide ba’t nú tel ree se ngonn bato ɓaa, kosdoo-bulege ɔsi nja nan rann’t neĵ-neĵ. E nda tà kong ba’t.

Marc 6:32

Jésu se njékuwe-girnge ali kêm ngonn bato’t, awi ngang loo’t nata.

Tà ke Maje ke Luc ndang 8:22

Ndɔ karé bè, Jésu se njékuwe-girnge ali kêm bato’t ɓaa, è ede de ede nè: – Ade jè gangi ba j’awi gide ke nú’t. D’ɔte ke loon’t nè d’aw kuwe tɔ.