Marc 4:31 - Nouveau Testament en Gulay 2004

³¹ Konɓee le Nube nga tò tite kum mbi tar karé ke ri’n nè Mutarde. E mbi tar ke kum’n kide nyeem-nyeem dum kum mbi targe ke rang malang ke dé ndɔr dè nang nè se ɓal-ɓal.

Marc 4:31 Iomraidhean Croise

Marc 4:30

Jésu tel deje de kuwe ɓai ede nè: – Ké ri á j’à kuwe kɔje’n Konɓee le Nube wa? Ké gostà ri á j’à kunn kɔje’n dè Konɓee le Nube nga wa?

Marc 4:32

Nè loo ke dé dubu’n ɓá ɓaa, ube tɔge yir-yir dum mbi targe ke rang malang. Balkumnge tɔ pel-pel ade helge ke walé asikum rai ndisge le de dè’t.

Tà ke Maje ke Luc ndang 17:6

Kuwe-ɓee tel ile de dè’t ede nè: – Ke nè á kundekêm le si è ndêin-ndêin bè tite kum kage ke ri’n nè Mutarde géa, sei asikum kede kage koté nè kedi nè: «Ɔr rai se ngirei bere mbak aw i nda dann ba’t» ɓaa, kage nè nga à ra nyan ke sei edii.

Nyanra Njekawkulege 19:20

Titeke bè á tà le Kuwe-ɓee ra’n tɔg ke kété-kété a, taa’n loo pel-pel a tɔ, takul tɔgmong le Kuwe-ɓee.

Nyanra Njekawkulege 2:41

Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.

Nyanra Njekawkulege 21:20

Loo ke ngatɔgege ooi tàge nè nga bè ɓaa, ei ulei ndubra dè Nube’t, taɓai edi Paul edi nè: – Ngokon jé an! Juipge aru dɔg loo bule teli ei njétaakêm-Kristge. Nè né è bè géa, ei malang uwei gute-ndu ji de joo.

Nyanra Njekawkulege 4:4

Nè né è bè géa, dooge ngain ke nange dann njé ke ooi tàge le de kété, teli ei njétaakêm-Kristge. Kɔr de ase aru dɔg loo mi.

Nyanra Njekawkulege 5:14

Kosdoo-bulege ngain, dingemge se dinyege ke undei kêm de dè Kuwe-ɓee Jésu’t nga kɔr de in dè made’t ke kété kété.

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»