Marc 4:26 - Nouveau Testament en Gulay 2004

²⁶ Jésu tel ede de kuwe ɓai ede nè: – An-in! gos ke Nube on’n ɓee dè dooge’t. Gos konɓee le’n nga tò asenan karé se doo ke unn ko nyan aw dubu kêm ndɔr’t ɓaa, è tel aw ndi loo le’n.

Marc 4:26 Iomraidhean Croise

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Matthieu 13:24

Go’t gugu Jésu unn gostà karé ke rang ede de ede nè: – Konɓee ke danrán nga, è tite doo karé ke unn ko nyan ke maje dubu kêm ndɔr’t le’n.

Matthieu 13:3

Jésu ede de tà ngain se gostàge ede nè: – An-in! njèdubu ko karé bè tee aw le dubu ko.

Matthieu 13:31

Jésu unn gostà karé ke rang ede dooge ɓai ede nè: – Konɓee ke danrán nga tò asenan se kum kage ke ri’n nè Mutarde ke dingem karé unn aw dubu kêm ndɔr’t le’n bè.

Matthieu 13:33

Jésu unn gostà karé ke rang ede kosdoo-bulege ede nè: – Konɓee ke danrán nga, tò asenan se pululu ke dinye din tênn guru’n dann nduju ke è din kêm ngó mute mboin. Mbɔr ɓaa nduju ke mboin nè nga bere mbak in ti ngiring-ngiring.

Matthieu 3:2

– I turi hal si tede Konɓee ke danran nain ngɔr ta.

Matthieu 4:17

Unn gir kêm ndɔn’t nè, Jésu ile mber ede nè: – I turi hal si tede konɓee ke danrán nain ngɔr ta.

Marc 4:25

Nanan ke aw se nyan ndêin jinn’t ɓaa, Nube à ile made dè’t kade’n. Ke nè á doo aw se nyan ndêin bè jinn’t ɓaa, è ke ndêin bè ke jinn’t nè kuwe Nube à uwe taa jinn’t.

Marc 4:27

Loo ke doo nè tò ɓi éké ɔge kum’n ɓi ndɔ a, kada a géa, ko nyan ke è dubu nga in se dè ra’n tɔge ke kété-kété anje kade doo nè ger gir.

Tà ke Maje ke Luc ndang 13:18

Jésu unn gostà ke rang ede nè: – Ké Konɓee le Nube nga tò tanan bain wa? Ké nyan ri á m’a kunn tɔje’n sei kade i geri maje wa?

Tà ke Maje ke Luc ndang 8:11

Jésu ede de ede nè: – Gir gostà nè nga á tò nè: Tà le Nube nga tò asenan se ko nyan ke doo unde bè.

Tà ke Maje ke Luc ndang 8:5

– Dingem karé ndi tutu. E in se ko nyan kêm kei le’n aw’n unde kêm ndɔr’t. Loo ke è nda à unde ko nyan kêm ndɔr’t le’n nga, njar ko ke nange tée toso nang ngang rebe’t. Dooge njiyei dè’t a, helge ke walé otoi turi a tɔ.

Jean 12:24

Kerɔte kuwe, man m’ede sei ndàt, ke nè á njar ko ke doo dubu nang nga wei lé ɓaa à è kum’n ke karé bere kɔke nè kuwe. Nè ke nè á wei ɓaa, ko’n à il ngain ke kété-kété.

Jacques 3:18

Dooge ke dubi kem̂lom dann made dege’t nga a ingei kann nyanra ke ɔje dè nyanra ke se dè naje’n nga tɔ.