Marc 4:24 - Nouveau Testament en Gulay 2004

²⁴ Jésu tel ede de kuwe ɓai ede nè: – Undei kumkunju dè ra si’t ɔje dè tà ke ooi nè nga. Nyan ke sei ɔjii nyan adi dooge nga kuwe tɔ á Nube à ɔje’n nyan kade sei. Nyan ke sei ɔjii nyan adi dooge nga, Nube à ile made dè’t kade sei.

Marc 4:24 Iomraidhean Croise

Matthieu 7:2

Kerɔte kuwe, kum tà ke sei gangi dè dooge’t nè kuwe á Nube à gang dè si’t tɔ. Nyan kɔje nyan ke sei ɔjii nyan adi dooge nè nga kuwe á Nube à ɔje’n nyan kade sei tɔ.

Marc 9:7

Bum ree utu dè de lêt, Nube tam tà dann bum’t nè ede nè: – E nè nga è Ngonn’m ke m’tár’n ngain, ooi tà tànn’t.

Tà ke Maje ke Luc ndang 8:18

Undei kumkunju dè ra si’t dè tà ke ooi’t nga. Nanan ke aw se nyan jinn’t lé ɓaa, nyan ke ndêin bè ke è gir kêmn’t ede nè è nyan le’n nga, Nube à uwe taa jinn’t wont kɔke.

Jean 10:16

M’aw se batege ke rang ke ndai kêm gar’t nè nga lé ɓai. Dé nè nga, gar-gar è tà le kade m’ɔse nja de nan’t tɔ. D’a d’oo ndu’m, d’a dé kos batege ke karé luk-luk, njèkul de géa à è karé luk-luk a tɔ.

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Jean 5:25

Kerɔte kuwe, man m’ede sei ndàt, kàde kade njé ke koo ooi ndu Ngonn Nube nga ree ɗarinè ɓá ta. Njé ke à ooi ndu Ngonn Nube nga à ndii kumgajer.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

2 Nje Ke Corinthe 9:6

Doo ke dubu nyan ndêin bè ɓaa à uje ndêin bè tɔ. Doo ke dubu nyan ngain ɓaa à uje ngain tɔ.

Hebreuge 2:1

Gir’n ke nè á, gar-gar ade j’adi kem̂ jéi è dè ra jéi’t dum ke kété ɔje dè nyange ke j’ooi tà’n ɓá nga. Ke nè á jè rai bè lé ɓaa, j’à nditei ndàl kosoi kɔke.

1 Pierre 2:2

Adi ngur tà le Nube ra sei pênn-pênn titeke ngur kil kum kate mba ra’n ngann kidege bè tɔ. Takul mba á sei a rai tɔge ke kété-kété dè kaje’t.

1 Jean 4:1

Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.