Marc 4:2 - Nouveau Testament en Gulay 2004

² E unn sertàge ndó’n de nyan ngain. Loo ke è ndi à ndó de nyange ɓaa, è ede de ede nè:

Marc 4:2 Iomraidhean Croise

Matthieu 13:10

Njékuwe-gir-Jésuge agi ngɔr ke rann’t deji nin edi nè: – Ké bain á unn gostàge tá ede’n dooge tà wa?

Matthieu 13:3

Jésu ede de tà ngain se gostàge ede nè: – An-in! njèdubu ko karé bè tee aw le dubu ko.

Matthieu 7:28

Loo ke Jésu ndó dooge tà nè nga gir gang ɓá ɓaa, tà ige kosdoo-bulege sêl dè nyan ke è ndó de’t.

Marc 10:1

Jésu in kêm ɓee ke Capernaum aw kêm ɓeekon ke Judée gide ba ke ri’n Jourdain. Doobulege ngain teli kebi nan rann’t. E unn gir ndó de nyan titeke ra’n kété-kété.

Marc 12:1

Jésu unn gir kede dooge tà se gostàge ede nè: – Doo karé bè aw se loo ndɔr nduu, è man kage nduuge tutu. E ɔr gali gan’n dè wàk. E nder bolè le kade dé mboré mann nduu d’um tutu a, è ra kei ngonm loo a tɔ. Go’t gugu, è ɓar njéra kule kêm ndɔr nduuge’t um kule’n ji de’t ɓita ɔte aw mba’t dè ɓee ke rang.

Marc 12:38

Loo ke Jésu ndi à ndó dooge nyan ɓaa, è ede de ede nè: – Undei kumkunju dè ra si’t nè a kin-in ndaji nyanra njékɔrgir gute-nduge. E ndigi ringei se kubu ke ngal julul-julul a, ndigi kade dooge rai de lapya ndá-looge’t a tɔ.

Marc 3:23

Jésu ɓar njékɔrgir gute-nduge rann’t deje de se gos ede nè: – Ké Sú asekum tel rɔ se ra’n titeke bain wa?

Marc 4:11

Jésu ede de ede nè: – Sei ɓaa, Nube ade sei nonkar ade i geri nyan ke kété tò loo ɓɔyɔn’t ɔje dè Konɓee le’n. Nè dooge ke nata ɓaa, d’a d’ede de nyange malang se sertàge.

Marc 4:3

– Uri mbi si maje ooi tà nè. Njèkunde ko tee aw le kunde ko.

Jean 18:19

Maw njèkuje nyan-mese deje Jésu tà ɔje dè njékuwe-girnge a, ɔje dè nyan ke è ndó dooge a tɔ.