Marc 4:11 - Nouveau Testament en Gulay 2004

¹¹ Jésu ede de ede nè: – Sei ɓaa, Nube ade sei nonkar ade i geri nyan ke kété tò loo ɓɔyɔn’t ɔje dè Konɓee le’n. Nè dooge ke nata ɓaa, d’a d’ede de nyange malang se sertàge.

Marc 4:11 Iomraidhean Croise

Matthieu 11:25

Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Matthieu 13:16

Nè sei nga, ra si nel sei tede an-in nyan nè nga se kum si ɓá a, ooi tà’n se mbi si ɓá a tɔ.

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Marc 3:23

Jésu ɓar njékɔrgir gute-nduge rann’t deje de se gos ede nè: – Ké Sú asekum tel rɔ se ra’n titeke bain wa?

Marc 4:10

Loo ke Jésu ɔr ra’n ra kosdoo-bulege’t aw ndi mbeng se kar’n ɓaa, njékuwe-girnge se njékawkulege ke dɔg-gidé-joo a tɔ, deji nin gir sertà nè nga.

Marc 4:2

E unn sertàge ndó’n de nyan ngain. Loo ke è ndi à ndó de nyange ɓaa, è ede de ede nè:

Tà ke Maje ke Luc ndang 8:10

E tel ile de dè’t ede nè: – Sei ɓaa, Nube ɔrgir nyange ke ɔje dè Konɓee le’n ke tò loo ɓɔyɔn’t nga ade sei geri ɓá. Nè dooge ke rang ɓaa, nyange ke tooi loo ɓɔyɔn’t ɔje dè Konɓee le Nube nga, d’a d’ede de se gostà. «Nyan nè nga tee titeke bè le kade d’an se kum de, nè d’an njai lé, le kade d’oo se mbi de, nè geri gir njai lé a tɔ.»

1 Nje Ke Corinthe 4:7

Ké nan adi i tò gai dann madige’t wa? Ké ri á i kuwe inge se dè rai nal kade Nube kuwe á adi wa? Ke nè á nyan malang ke inge nga è Nube kuwe á adi ɓaa, ké tede ri á unde’n kàdi titeke è i kuwe á inge se dè rai bè wa?

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

Nje Ke Ephese 1:9

Nube ade jè geri nyan-maje ke tò loo ɓɔyɔn’t káráng. E uwe dè nja nyan ke tò loo ɓɔyɔn’t nga kété mari se go kem̂ndige le’n è kuwe.

Nje Ke Colosses 4:5

I njiyei se kumkunju’n ra njé ke nata’t a, i pabri kurloo ke Nube ade sei nga parr-parr a tɔ.

1 Nje Ke Thessalonique 4:12

I rai titeke bè le kade njé ke natage ilei koje dè si’t a, le kade sei awi ndoo nyan ji doo karé ke rang’t lé a tɔ.

1 Timothee 3:7

Gar-gar, njèkan dè njékebe nange le Nube nga, njé ke nata géa à tami tà le’n maje. Titeke bè á à ndii’n dann rasɔl’t le kade oso’n kem̂ gum’t le sú nga lé.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.