Marc 3:7 - Nouveau Testament en Gulay 2004

⁷ Jésu ɔr ra’n se njékuwe-girnge awi tà ba-bò ke ɓeekon ke Galilée. Kosdoo-bulege ndolèi goo’n. Kosdoo-bulege nè nga njé ke nange in-in kêm ɓeekon ke Galilée se Judée.

Marc 3:7 Iomraidhean Croise

Matthieu 10:23

Loo ke d’a d’ɔr sei kororoi kêm ɓee-bò ke nè’t ɓaa, an-in awi kêm ɓee-bò karé ke rang’t. Kerɔte kuwe, man m’ede sei ndàt, sei a kɔri son ɓee-bòge le ɓeekon ke Israel lé ɓai kuwe bainléa Ngonn doo à tel ree’n.

Matthieu 12:15

Loo ke Jésu ger titeke Pharisienge ɔri nan tà dènn’t le kuwe’n tɔl’n ɓaa, è inye loo nè ɔr ra’n aw rang. Kosdoo-bulege ngain ndolèi goo’n. E ɔr ratur ra de’t malang.

Matthieu 12:16

Jésu on de njanm-njanm le kade d’ade doo karé bè géa ger’n lé.

Matthieu 4:25

Kosdoo-bulege ngain in-in kêm ɓeekon ke Galilée se ɓeekon ke Décapole se ɓee-bò ke Jérusalem se ɓeekon ke Judée a, se ɓeekon ke gide ba ke Jourdain’t reei ndolèi go Jésu.

Marc 1:39

Jésu aw ile mber kêm kei kebe nange’t le de ke ɓeekon ke Galilée bere mbak. E rɔ ndilge ke majelé kɔke a tɔ.

Marc 1:45

Nè loo ke dingem nè ɔte aw ɓaa, è unn gir kɔrgir nyan ke tee nè nga ase’n loo nák-nák. Gir’n ke nè á Jésu ase kum kaw ɓee-bò’t tàkum dooge’t ndái-ndái lé. E ndi ngang loo’t nata nè dooge in-in se loo-loo reei rann’t som-som.

Marc 3:20

Jésu tel aw kêm kei karé’t bè. Doobulege teli ɔsi nja nan rann’t ade è se njékuwe-girnge an-in loo kuse nyan lé.

Marc 4:1

Jésu tel unn gir ndó dooge nyan tà ba’t. Kosdoo-bulege ngain njin nan rann’t njàng-njàng. E al ndi kêm ngonn bato’t. Kosdoo-bulege malang ndii nang rip-rip ngang ba’t.

Tà ke Maje ke Luc ndang 23:5

Nè dé tel d’uwe tà de mong d’ede nè: – E sule kosdooge se go rebe nyan-ndóge le’n. E unn gir ndó dooge nyan kêm ɓeekon ke Judée bere mbak unde’n ɓeekon ke Galilée ndàt gang sár tee’n nè ɗarinè tɔ ta.

Tà ke Maje ke Luc ndang 6:12

Kêm ndɔn’t nè nga, Jésu aw dè mbal’t le kɔje tà se Nube. E ɔje se’n tà dann ndɔ sár ade loo ar yerer.

Tà ke Maje ke Luc ndang 6:17

Jésu rise se njékuwe-girnge aw se de kade mbal’t inge’n kutu kos njékuwe-girnge. Kosdoo-bulege in-in dè nang’t le Juda malang se kêm ɓee-bò ke Jérusalem se kêm ɓeege ke tooi tà ba-kate’t, Tyr a, Sidon a tɔ.

Jean 7:41

Njé ke nange ke rang tami edi nè: – Doo nè nga è Krist nga kuwe. Nè njé ke karége tami edi nè: – Ké Krist nga à in kêm ɓeekon ke Galilée wa?

Jean 7:52

Dé deje Nicodème d’ede nè: – Ké i kuwe géa i tel rai doo ke Galilée tɔ wa? Ke nè á i nder gir tà kêm Magtub’t le Nube maje an ɓaa, njèribe-dè-tà ke tà Nube’t à in kêm ɓeekon ke Galilée lé. [

Nyanra Njekawkulege 17:10

Ke loon’t nè kuwe, njétaakêm-Kristge ulei se Paul se Silas ndɔɔ kêm ɓee-bò ke Bérée. Loo ke Paul se Silas teei nú ɓaa, ei awi kêm kei kebe nan’t le Juipge.

Nyanra Njekawkulege 17:14

Ke loon’t nè kuwe, njétaakêm-Kristge ulei se Paul ade aw kum’n se ke tà ba-bò kate’t, nè Silas se Timothée á nain-in kêm ɓee ke Bérée.