Marc 3:5 - Nouveau Testament en Gulay 2004

⁵ Jésu an de ɗêrêr-ɗêrêr ɓaa, wur’n ndir’n njàk-njàk tede kêm majelé le de. Go’t gugu è ede dingem ke ji’n wei tonrin nè nga ede nè: – I ndaje jii. Dingem nè nga ndaje ji’n ɓaa, tel tò karé titeke kété.

Marc 3:5 Iomraidhean Croise

Matthieu 12:13

E á Jésu ede doo ke ji’n wei tonrin nè nga ede nè: – I ndaje jii. Ɓaa doo nè nga ndaje ji’n. Ke loon’t nè kuwe, ji’n ke karé ke wei tonrin nga tel mong maje tite made ke karé.

Marc 3:4

Jésu deje de ede nè: – Ké ndɔ taa kebe nga, tò tede le ra’n maje se dooge éké le ra’n se de majelé wa? Ké ndɔ taa kebe tò tede le kaje’n doo éké le kinye’n doo kade tuju wa? Nè d’ile’n dè’t lé.

Tà ke Maje ke Luc ndang 13:15

Kuwe-ɓee tel ile de dè’t ede nè: – Sei njékede gosge, ndɔ taa kebe nga ké nan dann si’t tutu mang éké koro le’n dè bel’t aw se’n ade an-in mann lé wa?

Tà ke Maje ke Luc ndang 17:14

Loo ke Jésu tête kum’n an de ɓaa, è ede de ede nè: – Awi ra njékuje nyan-mesege i tɔji de ra si ade d’an. Loo ke njébanjege à awi ɓai ɓaa, ra de tel tò karè ndát-ndát.

Tà ke Maje ke Luc ndang 6:10

Jésu an de ɗêrêr-ɗêrêr malang ɓaa, è ede dingem ke ji’n wei kàdenn’t tonrin nè nga ede nè: – I ndaje jii. Ɓaa è ndaje ji’n kuwe tɔ. Ji dingem nè nga tel tò karè ndát- ndát titeke kété.

Jean 9:7

Go’t gugu Jésu ede njèkumtɔ nè ede nè: – Aw i togo kumi se mann gar ke ri’n nè Siloé (tel se tà koje jéi ɓaa, è njèkawkule le Nube). Njèkumtɔ nga ɔte aw tà mann gar’t togo kum’n. Loo ke à tel ɓaa, an loo.

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.

2 Nje Ke Corinthe 3:14

Nè ngann Israelge nga, tàgirge le de teli tugei ndul bigm kuwe ɓai. Sár tee ɓila, loo ke d’ade tute magtub mann-ra ke mari nga ɓaa, tà kubu nè nga ɔr kum de’t lé kuwe ɓai-ɓai. Doo ke um nan’t bɔk se Krist ɓita tà kubu nè ɔr kumn’t oso nang ɓai.

Nje Ke Ephese 4:18

Tà gir le de tel tuge ndul bigm; dé mbate kum se Nube bɔk ɔje dè ndikumgajer le’n ke è ade dooge. Dé ger nyan lé tede kem̂nder urkei dè ɓengre de’t.

Nje Ke Ephese 4:26

Ke nè á wong ra sei ɓaa, an-in tá nè a kin-in rai majelé. Maje kade ebi’t ra wong pa ɓita adi kàde ur ɓai.

Nje Ke Ephese 4:30

I rai kum Ndil-Kem̂nda ndoo lé. Nube ɔr sei unde sei se ninn’n ke kosdooge le’n takul Ndil-Kem̂nda. E nyankorji ke Nube uje ra si’t le tɔje’n sei titeke à ɔr sei dann kaiyage’t le si njing se non ndɔ ke rang.

Hebreuge 3:10

Gir’n ke nè á wong ra’m dè de’t kem̂ ɓaln’t nè ade m’tam’n m’ede nè: Tàgir le de ke dè ɓengre de’t aw yo-yo, nè-nè se ndɔge malang ade geri rebe nyange le’m karé bè lé.

Hebreuge 3:17

Ké è njé ke ra á ndɔ ke wong ra Nube dè de’t ase ɓal kɔr-sɔ nga wa? Ké è njé ke ndɔ ke rai majelé adi ninn de too’n rabak-rabak kem̂ dile’t nga lé wa?

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

Lookilera’n 6:16

D’ede mbalge se herge nè nga d’ede nè: «I jɔréi dè jé’t adi kum è ke ndi kutu-ngar’t nga oso dè jé’t lé. I jɔréi dè jé’t tede kade wong ra Ngonn bate nga dè jé’t lé a tɔ.