Marc 3:35 - Nouveau Testament en Gulay 2004

³⁵ Nanan ke ra nyan ke kêm Nube ndige ɓaa, è nè nga è ngokon’m, se kon nann’m a tɔ.

Marc 3:35 Iomraidhean Croise

Matthieu 7:21

Nanan ke ɓar’m ede nè: «Ngar, Ngar» karè à ile nja’n kêm konɓee ke danrán lé. Nè nanan ke ra nyan ke kêm Bɔ’m ke danrán ndige ɓita à ile nja’n kêm Konɓee’t le Bɔ’m nga ɓai.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Nje Ke Ephese 6:6

I rai tede tàkum de éké le taa’n kum dooge karè lé. Nè i rai kule se kem̂nda káng tite ɓerge le Krist ke rai nyan ke kem̂ Nube ndige.

Hebreuge 10:36

Sei awi ndoo korè tà njak tede le ra’n nyan ke kem̂ Nube ndige kɔr son’n njêt. Titeke bè á a ingei nyan ke ndɔ ke Nube unn’n ndu’n le kade sei nga.

Jacques 1:25

Nè doo ke ter gute-ndu ke maje ɔr njêt ke njè kade jè ndii dè jéi pal nga, nda dè’t njáng ra nyan’n, oo ade kem̂’n wei nal sêl dè’t lé ɓaa, doo nè nga ra’n à nel’n dè kule rann’t kuwe.

1 Pierre 4:2

E ebe ra’n dè ra majelé tede le ra nyange ke kem̂ dooge ndige nga ndan lé, nè le ra nyan ke kem̂ Nube á ndige loo ke è ndii’n kumgajer dè nang nè ɓai.

1 Jean 2:17

Nang se ngur nyange le’n malang ke ra dooge’t nga ndii à ndɔti kawi. Nè doo ke ra nyan ke kem̂ Nube ndige ɔr son’n njêt ɓaa à ndi kumgajer sár se non kuwe.