Marc 3:29 - Nouveau Testament en Gulay 2004

²⁹ Nè nanan ke nede Ndil-Kêmnda nga, Nube à ade kêm’n à tin mbit dè’t ndan lé sár se non.

Marc 3:29 Iomraidhean Croise

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 9:3

An! njékɔrgir gute-nduge ke nange murin tà kêm de’t edi nè: – Doo nè nga nede Nube kerɔte kuwe.

Marc 12:40

Ei njé táa nyange le dinye ke njékei-kingege ndát-ndát a, ɔji tà se Nube adi kur de heb ɗak tede le libe’n kum dooge. Dé nè nga, ndɔ gangtà’t ɓaa, Nube à gangtà ke bòi dum madege dè de’t.

Marc 3:30

Jésu tam tà titeke bè se njékɔrgir gute-nduge tede tam ke tami edi nè: «Jésu nga ngar le ndilge ke majelé tò kêmn’t.»

Tà ke Maje ke Luc ndang 12:10

Nanan ke tam tà le’m man Ngonn doo nga majelé ɓaa, Nube à ade kêm’n tin mbit dènn’t ɓai. Nè nanan ke taje Ndil-Kêmnda ɓaa, Nube à ade kêm’n à tin mbit dènn’t ndan lé.

2 Nje Ke Thessalonique 1:9

Dé nè nga, kure nyanra de ke à ɔde kum de nga, è tuju ke se non a, d’a ndi heb tàkum Kuwe-ɓee ke tɔgmong le’n dum dè loo.

Jude 1:13

Dé tite kɔr mann ba ke tal bungus-bungus ade pululu’n ke majelé in pɔk-pɔk bè. Dé tò d’asenan se kɔnyonge ke gangi ndiling-ndiling bè. Nube uwe dè nja loo ke ndul ndin-ndin unde konn le kade dé ndi tutu sár se non.

Jude 1:7

Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.