Marc 3:18 - Nouveau Testament en Gulay 2004

¹⁸ André, Philippe, Barthélemy a, Matthieu a, Thomas, Jacques ngonn le Alphée a, Thaddée, Simon doo ke ɓee le’n è Cana a,

Marc 3:18 Iomraidhean Croise

Matthieu 13:55

Ké nan adé tɔgmong á n’ra’n nyankɔbege nè nga wa? Ké n’ee nga n’ee Ngonn le njè ra kule kage karè lé wa? Ké ri konyé è Marie lé wa? Ké Jacques se Joseph, se Simon se Jude nga ei ngakonyége ke dingem lé wa?

Matthieu 9:9

Loo ke Jésu in loon’t nè à dese ɓaa, è an dingem karé ndi kêm kei taa tirge’t. Dingem nè nga ri’n nè Matthieu. Jésu ɓar’n ede’n ede nè: – Unn rebe goom’t. Ke loon’t nè kuwe, è ɔse nang in unn rebe go Jésu’t.

Marc 2:14

Loo ke Jésu à dere le kaw ɓaa, è an Lévi ngonn Alphée ndi tà kei taa tirge’t. E ede’n ede nè: – Unn rebe goom’t. Lévi ɔse nang in, unn rebe go Jésu’t.

Marc 3:17

Jacques ngonn le Zébédée se ngokon’n Jean ke Jésu ile ri tɔy de nè Boanergès (tel se tà koje jéi ɓaa, è ngann ndi ke ndang),

Marc 3:19

Judas Iskariot ke njèkunn dè Jésu.

Marc 6:3

Ké n’ee nga n’ee njè tɔl kagege ke n’ee ngonn le Marie nga lé wa? Ké Jacques se Joses se Jude se Simon nga ei ngakonyége lé wa? Ké kon nannége ei dann jéi’t laa lé wa? Kêm dooge ke Nazareth on de ngain dè Jésu’t ade undei kêm de dènn’t lé.

Jean 1:40

Pajage le Jean ke joo in-in unni rebe go Jésu’t se go tàge ke Jean tam kété nga. E ke karé è André, ngokon Simon Pierre.

Jean 11:16

Thomas ke ri tɔy’n è ndunge ede njékuwegir-Jésu madennge ede nè: – Jèi géa, adi j’awi j’weii se Jésu nan’t.

Jean 14:22

– Kuwe-ɓee, ké bain jè tá a kɔrgir rai kade jè anje kɔr kade dooge ke dè nang nè wa?

Jean 21:2

Simon Pierre, Thomas ke ri tɔy’n nè: «Ndunge», Nathaniel ke ɓee le’n è Cana ɓeekon ke Galilée, ngann le Zébédéege ke joo se njékuwe-girnge ke rang joo tɔ. Ei nè malang ndii nan’t loo karé kêm ndɔn’t nè.

Nyanra Njekawkulege 1:13

Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 15:13

Loo ke ei ebi’t tam tà ɓá baa, Jacques unn tà ke le’n tam ede nè: – Ngakonmge, uri mbi si ooi tà le’m ɓita.

Nyanra Njekawkulege 21:18

Barè lookar’n ɓaa, Paul aw se jé ra Jacques’t, ngatɔgege malang reei ingei jè rann’t.

1 Nje Ke Corinthe 15:7

Go’t gugu, è unde loo tee pan ke kum Jacques’t. Ndɔ ke rang, è unde loo tee pan ade njékawkulege malang an-in nin a tɔ.

1 Nje Ke Corinthe 9:5

Ké m’aw se tɔgmong le kaw se kon nann’m karé ke neen’m loo kile mber’t titeke njékawkulege ke rang éké ngakon Kuwe-ɓeege éké Céphas rai nga tɔ lé wa?

Nje Ke Galatie 1:19

M’an doo ke rang dann njékawkulege’t lé, nè Jacques ngokon Kuwe-ɓee kuwe se kar’n á m’an’n.

Nje Ke Galatie 2:9

Jacques se Céphas se Jean ke ndɔ ke d’an de ke kage ngadann kei nga, loo ke an-in noje ke Nube uwe se’m ɓaa, ulei jikon de adi jè se Barnabas umi se jé nan’t bɔk. Gir’n ke nè á man se Barnabas jee’n njékaw kile mber Tà ke Maje kade njé ke ei Juipge lé, nè ei ɓaa ei njékaw kile mber Tà ke Maje kade Juipge tɔ.

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.