Marc 3:17 - Nouveau Testament en Gulay 2004

¹⁷ Jacques ngonn le Zébédée se ngokon’n Jean ke Jésu ile ri tɔy de nè Boanergès (tel se tà koje jéi ɓaa, è ngann ndi ke ndang),

Marc 3:17 Iomraidhean Croise

Matthieu 4:21

Loo ke Jésu aw mbɔr ke kété ɓai ɓaa, è an ngakon nange ke rang joo Jacques se Jean ngann le Zébédée ndii se bɔ de kêm ngonn bato’t à tilei kum burege le de. Jésu ɓar de tɔ.

Marc 10:35

Go’t gugu, Jacques se Jean ngann le Zébédée reei ra Jésu’t edi nin edi nè: – Kuwe jé, jè ndige le kade i ra nyan ke j’aw ndoo’n ade jè.

Marc 14:33

E ade Pierre, Jacques se Jean á danni nin. Ɓel unn gir kunde’n ndàt gang’n ade kàde’n gete get-get.

Marc 3:16

Dooge ke dɔg-gidé-joo ke Jésu tɔr de unde de ke njékawkulege nga, ri de á tò nè: Simon ke Jésu ile ri tɔy’n nè Pierre,

Marc 3:18

André, Philippe, Barthélemy a, Matthieu a, Thomas, Jacques ngonn le Alphée a, Thaddée, Simon doo ke ɓee le’n è Cana a,

Marc 5:37

Jésu inye loo ade doo karé ke rang dann’n lé, nè ade Pierre se Jacques se ngokon’n Jean danni nin awi se’n.

Marc 9:2

Loo ke Jésu ede njékuwe-girnge tà yoo’n se kunde loo tee le’n dann njé ke koo’t, ra ndɔ mute-mute ɓaa, è ɔr Pierre, Jacques se Jean njɔl ade awi se’n dɔ dè mbal karé’t bè. Ra’n tel waks tàkum de’t.

Tà ke Maje ke Luc ndang 9:54

Loo ke njékuwe-gir-Jésuge joo, Jacques se Jean ooi tà nè nga bè ɓaa, ei deji Jésu edi nè: – Kuwe-ɓee, ke nè á i ndige ɓaa, ade j’ade ndi ile de njanm ró de rák-rák kɔke.

Jean 21:2

Simon Pierre, Thomas ke ri tɔy’n nè: «Ndunge», Nathaniel ke ɓee le’n è Cana ɓeekon ke Galilée, ngann le Zébédéege ke joo se njékuwe-girnge ke rang joo tɔ. Ei nè malang ndii nan’t loo karé kêm ndɔn’t nè.

Nyanra Njekawkulege 12:1

Kêm ɓaln’t nè nga, ngar Hérode unn gir ra balkum njékebe nange le Nube ke nange ke Jérusalem majelé.

Hebreuge 4:12

Tà le Nube è tà ke tò kumgajer ke ra kule ngain dum kuye kaskar ke ate ngang joo. E aw sár tee ngarankem̂ doo’t se tàgir le’n, se dè kur rage se wubu ke kem̂ kinge ra’t a tɔ. Tà le Nube ndi ter tàgir le doo ke dè ɓengrenn’t se nyan ke doo ɔje kem̂n’t le ra ɓai a tɔ.

Lookilera’n 10:11

Doo ke danrán tel ede’m ede nè: «Gar-gar, i tel i ribe dè tàge ke tà Nube’t nè ade kosdooge se girkoje dooge ke dè nang nè ke tà tam de è gai-gai nè nja karé ɓai. I ribe dè tàge nè nga ade ngar-ɓeege bule a tɔ.»