Marc 3:10 - Nouveau Testament en Gulay 2004

¹⁰ Jésu ɔr ratur ra dooge’t bule kêm ndɔn’t nè nga. Gir’n ke nè á njé raturge malang nanri nan loo tede kɔde ra’n lêm.

Marc 3:10 Iomraidhean Croise

Matthieu 12:15

Loo ke Jésu ger titeke Pharisienge ɔri nan tà dènn’t le kuwe’n tɔl’n ɓaa, è inye loo nè ɔr ra’n aw rang. Kosdoo-bulege ngain ndolèi goo’n. E ɔr ratur ra de’t malang.

Matthieu 14:14

Jésu in kêm bato’t rise nang. Doobulege ngain kujei nan rann’t hakl. E an kumndoo le de a, è ɔr ratur ra njératurge’t le de a tɔ.

Matthieu 14:36

Dé ra ndoo ra Jésu’t le kade inye loo ade d’ɔde tà kubu ke rann’t lêm. Dooge malang ke ɔdi tà kubu ke rann’t lêm nga, ra de tel tò karé ndát-ndát.

Matthieu 4:23

Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Marc 5:34

Nè Jésu ede dinye nè nga ede nè: – Yaa, ratur lei ɔr dèi’t ɓá tede kêmi ke unde dèm’t. Aw se kêmlom, ratur nè nga à tel rai gugu ndan lé ta.

Marc 6:56

Se looge malang ke Jésu aw tutu, kêm ngann ɓeege se ɓee-bòge éké loo ndɔrge géa, dooge otoi njératurge umi de nang rip-rip ndá-loo’t. Dé ndête Jésu le kade inye njératurge ade ɔdi tà kubu ke rann’t lêm. Gir’n ke nè á, njératurge malang ke ɔdi tà kubu ke rann’t ɓaa, ratur le de in dè de’t kengeng.

Marc 8:22

Jésu se njékuwe-girnge reei kêm ɓee ke ri’n nè Bethsaida. Dooge ɔri non dingem karé ke njèkumtɔ reei se’n ra Jésu’t. Dé ndête Jésu le kade ule ji’n ɔde’n ra dingem nè nga lêm.

Tà ke Maje ke Luc ndang 5:3

Jésu al ndi kêm bato karé’t. Bato nè nga è le Simon. E ede Simon ede nè: – Ɔse bato nga age’n kété ndêin dann ba’t. Jésu ndó doobulege nyan kum’n ke kété-kété.

Tà ke Maje ke Luc ndang 6:19

Nanan géa dann de’t sang le kɔde ra’n lêm tede tɔgmong kaje njératurge tee rann’t aje de malang.

Tà ke Maje ke Luc ndang 7:2

Ngonn njèndi le njèkan dè njérɔge ke aru karé bè, ra’n tur’n ngain ade nain ngɔr ɓaa tà’n à tête. Ngonn njèndi nè nga kuwe’n tár’n ngain.

Tà ke Maje ke Luc ndang 7:21

Kêm kàde’n ke d’ade reenn’t nga, Jésu ndi ɔr ratur ra dooge’t bule. Njé ke raturge ke se ri de-ri de rai de nga géa, è ɔr ra de’t. E rɔ ndilge ke majelé kêm dooge’t kɔke a, è uwe noje se njékumtɔge ade teli an-in loo njai-njai a tɔ.

Nyanra Njekawkulege 5:15

Gir’n ke nè á, dé koto’n njératurge se tuwe tò de a, se tire tò de bere mbak d’unde’n de nata ɗêng-ɗêng ka-rebege’t. Dé ra titeke bè tede kade loo ke Pierre à dere ɓaa, ndil’n ke ɓer kuwe oso dè doo karé dann njératurge’t nè nga.

Hebreuge 12:6

Doo ke Kuwe-ɓee tár’n ɓita tɔje’n kumkunju a, dooge malang ke è an de ke ngann’n ɓita um ndêin dè de’t ɓai a tɔ.»