Marc 2:7 - Nouveau Testament en Gulay 2004

⁷ – Ké bain á doo-nyan le doo nè nga tam tà titeke bè wa? E nede Nube. Ké Nube kuwe karé bere á asekum kɔr kaiya dè dooge’t lé wa?

Marc 2:7 Iomraidhean Croise

Matthieu 26:65

Ke loon’t nè kuwe maw njèkuje nyan-mese tuwe kubuge ke rann’t til parang-parang ede nè: – N’ee nga n’taje Nube ɓá ta. Ké j’awi ndoo njékɔrgotàge ke rang tede ri ɓai wa? Ɗarinè n’taje Nube ade ooi se mbi si ɓá.

Matthieu 9:3

An! njékɔrgir gute-nduge ke nange murin tà kêm de’t edi nè: – Doo nè nga nede Nube kerɔte kuwe.

Marc 14:64

Sei ooi tàge ke majelé ke n’tam se Nube nga se mbi si ɓá. A ɓaa, ké tà ri á sei giri dè’t wa? Dooge malang gangi tà dè Jésu’t edi nè: – N’ee doo ke le tɔlé kuwe gar-gar.

Marc 2:6

Njékɔrgir gute-nduge ke nange ndii loon’t nè nga tɔ. Ei giri tà dè ɓengre de’t edi nè:

Marc 2:8

Ke loon’t nè kuwe Jésu ger tàgirge le de ke kêm ɓengre de’t mbak. E deje de ede nè: – Ké bain á sei giri tàge ke titeke bè dè ɓengre si’t wa?

Tà ke Maje ke Luc ndang 5:21

Loo ke njékɔrgir gute-ndu Nube se Pharisienge ooi tà ke Jésu tam nè nga bè ɓaa, wong in se de ade unni gir murin tà edi nè: – Ké doo nè nga è nan á ile rasɔl dè Nube’t bè wa? Ké Nube kuwe karé á asekum tam ndàt kede nè n’ade kêm’n tin mbit dè kaiya ra dooge’t lé wa?

Tà ke Maje ke Luc ndang 7:49

Njé ke ndii se Jésu nan’t tà nyankuse’t nga unni gir murin tà kêm de’t edi nè: – Ké doo nè nga è nan á aw sár tam ndàt ede nè: Nube ɔr kaiya dè dooge’t wa?

Jean 10:33

Juipge teli ilei Jésu dè’t edi nè: – E tede nede ke i nede Nube. Taɓai i i doo ndul karè, nè i ra rai ke Nube. Gir’n ke nè á jè ndige tilei se kuberi her tɔli m è tede nyan rai ke maje nga lé.

Jean 10:36

Man nga, Bɔ’m Nube ɔr’m unde’m se ninn’n kété ɓita ule’m dè nang nè ɓai. Ké bain á m’ede nè man Ngonn’n ɓaa sei tami edi nè m’nede’n taɓai wa?