Marc 2:5 - Nouveau Testament en Gulay 2004

⁵ Loo ke Jésu an kundekêm le de titeke bè ɓaa, è ede doo ke ra’n wei tonrin nè nga ede nè: – Ngonn basa, kaiyage lei ɔr dèi’t ɓá ta.

Marc 2:5 Iomraidhean Croise

Matthieu 9:2

An! d’unn dingem karé ke ra’n wei tonrin se tuwe dé ree se’n d’ile’n nang non Jésu’t. Loo ke è an kundekêm le dooge nè bè ɓaa, è ede dingem ke ra’n wei tonrin nga, ede nè: – Basa, i nda kêmi káng, tede Nube ade kêm’n tin mbit dè kaiyage’t lei ɓá ta.

Matthieu 9:22

Loo ke Jésu tur goo’n an’n ɓaa, ede’n ede nè: – Yaa, i nda kêmi káng tede kundekêm lei aji ɓá ta. Ke loon’t nè kuwe ratur le dinye nè nga ɔr dènn’t.

Matthieu 9:5

«Nube ade kêm’n tin mbit dè kaiyage’t lei»,éké «ɔse nang in dɔ i njiye.» Ké è ke ra á è tà ke loo tam’n on lé wa?

Marc 2:6

Njékɔrgir gute-nduge ke nange ndii loon’t nè nga tɔ. Ei giri tà dè ɓengre de’t edi nè:

Marc 5:34

Nè Jésu ede dinye nè nga ede nè: – Yaa, ratur lei ɔr dèi’t ɓá tede kêmi ke unde dèm’t. Aw se kêmlom, ratur nè nga à tel rai gugu ndan lé ta.

Tà ke Maje ke Luc ndang 5:20

Loo ke Jésu an kunde ke dingemge nè undei kêm de dènn’t titeke bè ɓaa, è ede njèratur nè nga ede nè: – Man m’edi ndàt titeke kêm Nube tin mbit dè kaiyage’t lei ɓá.

Tà ke Maje ke Luc ndang 8:48

Jésu ede dinye nè nga ede nè: – Yaa, kundekêm lei aji ɓá ta. Aw se kêmlom.

Jean 2:25

E aw ndoo kade doo karé ɔrgo tà le doo ade’n lé. Tede è ger nyan ke tò dè ɓengre doo’t.

Jean 5:14

Ndɔ ke rang, Jesu inge dingem nè nga kêm kei le Nube. E ede’n ede nè: – An! ratur ɔr dèi’t ade rai tel mong maj-maj ɓá ta. I ra kaiya kumi ke kété-kété lé ta, nè bainléa nyan ke tur ngain dum dè ratur nè à rai ɓai.

Nyanra Njekawkulege 11:23

Loo ke è aw inge de Antioche ɓaa, è an noje ke Nube uwe se dooge. E ra ranel a, ndeje de malang le kade dé labe ra de parr ra Kuwe-ɓee Jésu’t se kêmnda káng.

Nyanra Njekawkulege 14:9

Doo nè nga ndi ur mbi’n oo’n tàge ke Paul ndi à tam. Paul an dingem nè nga kàkàk. E ger titeke doo nè nga aw se kundekêm ke asekum kaje’n.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

1 Nje Ke Corinthe 11:30

Gir’n ke nè á dooge ngain dann si’t ei gum-gum dooge se njé raturge a, dooge bule weii a tɔ.

2 Nje Ke Corinthe 2:10

Doo ke adi kêm si tin mbit dènn’t ɓaa, man géa m’ade kêm’m tin mbit dènn’t tɔ. Ke nè á m’tin kêm’m mbit dè nyan karé’t ɓaa, m’ra tede le si tàkum Krist’t.

Nje Ke Ephese 2:8

E takul kem̂noje le Nube á sei ingei kaje se go kundekem̂ le si. Kem̂noje nè nga in ra si’t lé, nè è nyan-noje ke in ra Nube’t kuwe.

Nje Ke Colosses 3:13

Ilei kem̂ si pon dè nan’t. Ke nè á doo karé dann si sei’t aw se tà ke asekum kade in’n se made’n se tà géa, adi kem̂ si tin mbit dè nan’t. Adi kem̂ si tin mbit dè nan’t titeke Kuwe-ɓee ade kem̂’n tin’n mbit dè si’t nga tɔ.

Jacques 5:15

Ke nè á ngatɔgege ɔji tà se Nube kerɔte ɓaa, Nube à unn njèratur nè kur’n dɔ. Ke nè á njèratur nè ra majelé ɓaa, Kuwe-ɓee à ade kem̂’n à tin mbit dènn’t.