Marc 2:4 - Nouveau Testament en Gulay 2004

⁴ Dingemge nè nga asikum kawi se njèdɔgemete nè ra Jésu’t lé, tede doobulege rusi loo táp-táp. Dé d’al dɔ d’ɔr dè kei ke sɔbe dè loo ke Jésu ndii’n tutu. Go’t gugu d’unn dingem ke ra’n wei tonrin nè nga d’ule’n yêrêr se nyan too’n bere mbak se kum bolè.

Marc 2:4 Iomraidhean Croise

Matthieu 4:24

Kɔbe nyan ke Jésu ra nga, oso se loo mbit-mbit kêm ɓeekon ke Syrie bere mbak. Dé ree se njératurge ke raturge gai-gai rai kum de ndoo ra Jésu’t. E ɔr ratur dè de’t malang: Njé ke ndilge ke majelé tooi kêm de’t se njé ke kɔnon tɔte de a, njé ke kêl ra de wei tonrin a tɔ.

Tà ke Maje ke Luc ndang 5:19

Nè dooge ke njé koo tàge ubei kêm kei njàng. Gir’n ke ne á dingemge nè nga ingei loo kaw se njèratur nè ra Jésu’t lé. Titeke ei ingei rebe kaw se’n lé ɓaa, ei ali dɔ dè kei’t, ɔri kêl loo karé, taɓai ei ulei njèratur nè yêrêr undei nang ndeĵ dann dooge’t non Jésu’t.