Marc 2:25 - Nouveau Testament en Gulay 2004

²⁵ Jésu tel deje de ede nè: – Nyan ke ndɔ ke David ra nga, ké i tutei tà’n an-in ndan lé wa? Ndɔ karé bè, ɓo ra de se dooge le’n. Nè nyan ke kade usei goto.

Marc 2:25 Iomraidhean Croise

Matthieu 19:4

Jésu ile de dè’t ede nè: – Tà ke kêm magtub’t nè nga, ké sei i tutei an-in lé wa? Oiyo, kété ke desêin sàk-sàk nga, Nube Njèkunde nyange malang unde dingem karé se dinye karé a tɔ.

Matthieu 21:16

– Ké i oo tàge ke ngannge tami nga wa? Nè Jésu tel ile de dè’t ede nè: – Oiyo, m’oo maje kuwe. Tà ke Magtub tam ede nè: «I ade tà ngannge ke ndêin bè se ngannge ke à ili mba teen se pa ɗɔyi nin» nga, ké sei i tutei nja karé ndan lé ɓai wa?

Matthieu 21:42

Jésu tel ede de ede nè: – Tà ke dé ndang kêm magtub ge ke tò se ninn’n d’ede nè: «Kuberi her ke njékunde keige mbati nin nga, tel è kuberi her ke njè mong dè kum kei. E ke nè á è kule ra Kuwe-ɓee. Jè j’an ke nyan ke dum kum jé.» Tà nè nga ké sei tutei ndɔ karé bè ndan lé ɓai wa?

Matthieu 22:31

Tà ke Nube tam ede sei ɔje dè dooge ke à undei loo teei koo nga, ké sei tutei an-in lé ɓai wa? Nube tam ede nè:

Matthieu 4:2

Ɓo ra Jésu tede ɔge ra’n dè nyankuse’t ase dann kàde kɔr-sɔ se dann ndɔ kɔr-sɔ a tɔ.

Marc 12:20

Kété mari, ngakon nange ke dingem ji sejimute ndii tutu. Njè ke tɔge taa dinye oje’n ngonn unde ko’n lé ɓai kuwe ɓaa, è wei.

Marc 12:26

Tà ke ɔje dè dooge ke à undei loo teei dann njé ke koo’t nga, ndɔ ke Nube ede Moise tà’n kété ede nè: «Man Nube le Abraham, le Isaac, le Jacob a tɔ.» Nube ede Moise tà nè kɔte ngonn kage ngarr’t ke on por bilm-bilm. Ké bain á i tutei magtub ke Moise ndang ɔje’n dè tà nè nga an-in lé wa?

Marc 2:24

Pharisienge deji Jésu edi nè: – Ké bain i se njékuwe-girige ali tà tà gute-ndu’t le jéi wa?

Marc 2:26

David ur lêbêt aw kêm kei kubu’t le Nube koto ngurwalge use a, ade dooge le’n usei a tɔ. Ngurwalge ke tooi se ninn de nè nga ɔji dè njékuje nyan-mesege kuwe karé bere. E kêm ndɔn’t ke Abiatar ee’n maw njèkuje nyan-mese.

Tà ke Maje ke Luc ndang 10:26

Jésu tel deje dingem nè nga ede nè: – Ké tà ri á magtub gute-ndu Nube ke ndɔ ke Moise ndang tam wa? Ké ri á i tute kêm magtub’t nè nga wa?