Marc 2:20 - Nouveau Testament en Gulay 2004

²⁰ Nè ndɔ ke d’a d’uwe njè taa dinye kige dann de’t wont kɔr’n ɓita, d’a d’ɔge kêm de ɓo kêm ndɔn’t nè ɓai. Jésu tel ede de ede nè:

Marc 2:20 Iomraidhean Croise

Matthieu 26:31

Jésu ede njékuwe-girnge ede nè: – Dann ndɔɔ nè kuwe, loo ke a an-in nyan ke à tee dèm’t ɓaa, sei malang a i tusi kundekêm le si kinyei. Dé ndang kêm magtub’t d’ede nè: «M’a m’unde njèkul dange kum yoo’n ɓaa, kos batege à an-in sanréi nan karé-karé.»

Matthieu 9:15

Jésu tel deje de ede nè: – Njètaa dinye kige nga, loo ke madennge ei se’n ɓai nga, ké asi ndii dann nyantosowur’t wa? Nè ndɔ ke d’a d’uwe njètaa dinye kige nè wont kɔr’n dann de’t ɓita d’a kɔge kêm de ɓo ɓai.

Marc 2:19

Jésu deje de ede nè: – Dooge ke njè taa dinye kige ɓar de loo taa nan’t le’n nga, ké asikum kɔgi kêm de ɓo wa? Ḿ-m̀, è bè lé! Kêm ndɔge malang ke ei nain-in se’n ɓai nga, ei asikum kɔgi kêm de ɓo lé.

Marc 2:21

– Doo à kunn tà kubu ke kige kile’n kum è ke ndise lé. Ke nè á doo karé unn tà kubu ke kige ile’n kum è ke ndise ɓaa, tà kubu ke kige à uwe è ke ndise le til’n banjáng-banjáng dum ke kété ɓai.

Tà ke Maje ke Luc ndang 17:22

Jésu ede njékuwe-girnge ede nè: – Kêm ndɔ ke rang ngur kan’m man ke m’ee Ngonn-doo à ra sei. Nè sei a kan-in man ndan lé.

Tà ke Maje ke Luc ndang 5:35

Nè ndɔ ke d’a d’uwe’n kɔr’n wont dann de’t ɓaa, ndɔ’n nè ɓita madennge à ɔgi kêm de ɓo ɓai.

Jean 12:8

Njéndooge nga à ndii se si se ndɔge malang. Nè man ɓaa, m’a m’ndi se si se ndɔ’m-ndɔ’m lé.

Jean 13:33

Jésu ede njékuwe-girnge ede nè: – Ngannemge, m’a m’nain se si dè nang nè mbɔr ɓai. Ndɔn’t a i sangi man par-par. Ndɔ ke m’ede Juipge kété m’ede nè: Loo ke m’ndi m’aw ke tutu nga, sei asi kawi tutu lé. Sei géa, ɗarinè m’ede sei tà nè nga titeke bè tɔ.

Jean 16:28

Man m’in ra Bɔm’t nú á m’ree dè nang nè. Ɗarinè man m’inye nang nè le tel kaw ra Bɔm’t gugu.

Jean 16:7

Nè né è bè géa, man m’ede sei ngarankum tà: Kaw’m è soo’t tede le si. Ke nè á m’aw lé ɓaa, njè ra se si nga à ree ra si’t lé. Nè ke nè á m’aw ɓaa, m’a m’ule’n kade ree inge sei.

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:13

Ɓɔ’m ɗarinè m’ndi m’a m’aw ke rai’t nú. Nè m’tam tà nè titeke bè loo ke m’nain dè nang nè ɓai tede kade d’inge’n ranel le’m se girson’n bere mbak.

Jean 3:29

Doo ke dinye njè ngaw kige ɔje dè’n nga, è ngaw’n. Nè made njè taa dinye kige nda kɔtenn’t oo tà le’n. Ndu njè taa dinye kige ke made’n oo nga ade’n made’n ranel ngain. Man géa, m’ɔr son ranel le’m ɓila titeke bè tɔ.

Nyanra Njekawkulege 1:9

Loo ke è ede de tàge nè nga bè ɓá ɓaa, è in tàkum de’t aw danrán. Loo ke dé nda d’an goo’n sikm ɓaa, ke loon’t nè kuwe, bum utu dè’n lêt ade d’an’n lé sár.

Nyanra Njekawkulege 14:23

Paul se Barnabas tɔri ngatɔgege se loo kebe nan le Nube karé-karé malang adi an-in dè njétaakêm-Kristge. Loo ke ei tɔri de ɓá ɓaa, ei ɔgi kêm de ɓo a, an-in mann lé a tɔ, ɔji tà se Nube, ɓita umi ngatɔgege nè ji Kuwe-ɓee ke ei undei kêm de dènn’t.

Nyanra Njekawkulege 3:21

Jésu-Krist nè nga, gar-gar à ra ɓee danrán sár kade kurloo gɔl nyange malang loon’t gugu ase’n deĵ. Kurloo gɔl nyange loon’t gugu nga, Nube ade njéribe-dè-tàge le’n ke tooi se ninn de edi sei tà’n kété mari ɓá.

1 Nje Ke Corinthe 7:5

Ɔgi ra si nan lé. Ke nè á ɔgi ra si nan ɓaa, maje kade è se go ndu kase nan le si tede kade ɔji tà se Nube. Nè kɔge nan ra le si nga adi kur’n ngal ngain lé. Mbɔr ɓaa, i teli ingei nan nè bainléa Sú à nan’n sei tede ngur tò se nan ke ndikum ra si’t ɓai.

2 Nje Ke Corinthe 11:2

M’tár sei ngain. Tár ke m’tár sei nga, ngire’n in ra Nube’t kuwe. Gir’n ke nè á m’ra’n jang dè si’t. Sei i tooi asinan se ngomande ke nal ger dingem ɓai bè. Krist kuwe karé bere luk-luk á è ngaw ke m’uwe dè’n m’ɔje’n dè si. M’tɔje’n go si kade an sei ke neennge.

2 Nje Ke Corinthe 11:27

M’ule ra’m ndibe loo kule’t, m’ɔr yàl-yàl a, dɔ-dɔ ɓi ɔde kum’m lé a tɔ. Nja bule ɓo se kunde mann tɔli man a, m’ɔge ra’m dè nyankuse’t se dè kain mann’t a tɔ. Nja bule m’ndi dann kul’t a, kubu kule ram’t goto a tɔ.

2 Nje Ke Corinthe 6:5

Dé tunde jè a, d’ile jè dangai’t a tɔ. Dé sule dooge dè jé’t a, j’ule ra jé ndibe loo kule’t a tɔ. J’ɔge kum jé ɓi a, j’ɔge ra jé dè nyankuse’t se dè kain mann’t a tɔ.

Lookilera’n 19:7

Jè rai ranel a, j’ali ra jéi a, j’ɔsi pa j’ilei riɓar dè Nube’t a tɔ. An! ndɔ ra nan taa nan le Ngonn Bate nga ase ɓá! Njènong le’n nga géa uwe dè nja ra’n ɓá a tɔ.

Lookilera’n 21:9

Dooge ke danrán ji sejimute uwei baige ji sejimute ji de’t ndai. Bai wong nè nga, nyantosowurge ji sejimute rusi kem̂ neĵ-neĵ. E karé dann de’t ree tam se’m ede nè: «I ree laa ade m’tɔji njènong ke è dinye le Ngonn bate ke taa’n ke kige nga.»