Marc 2:15 - Nouveau Testament en Gulay 2004

¹⁵ Ndɔ karé bè, Jésu se njékuwe-girnge ndii à usei nyan kêm kei le Lévi. Njétaa tirge se njé ke d’an de ke njé ra majelége bule ndolèi go de awi usei se de nyan.

Marc 2:15 Iomraidhean Croise

Matthieu 5:46

Ke nè á i tári njé ke tári sei tá ɓaa, ké nyan-kuge dè ji ke ra a ingei wa? Ké njétaa tirge kuwe géa dé ra titeke bè tɔ lé wa?

Marc 2:14

Loo ke Jésu à dere le kaw ɓaa, è an Lévi ngonn Alphée ndi tà kei taa tirge’t. E ede’n ede nè: – Unn rebe goom’t. Lévi ɔse nang in, unn rebe go Jésu’t.

Marc 2:16

Njékɔrgir gute-nduge le Pharisienge ke nange géa ndii tutu tɔ. Loo ke an-in dooge ke d’an de ke njé ra majelége a, se njétaa tirge a tɔ, tà nyankuse’t se Jésu ɓaa, ei deji njékuwe-girnge edi nè: – Ké bain á n’gang keng ke dann dooge’t nè nga n’use se de nyan wa?

Tà ke Maje ke Luc ndang 15:1

Ndɔ karé bè, njétaa tirge se njé ke d’an de ke dooge ke majelé reei ra Jésu’t le koo tàge ke à ndó de.

Tà ke Maje ke Luc ndang 6:17

Jésu rise se njékuwe-girnge aw se de kade mbal’t inge’n kutu kos njékuwe-girnge. Kosdoo-bulege in-in dè nang’t le Juda malang se kêm ɓee-bò ke Jérusalem se kêm ɓeege ke tooi tà ba-kate’t, Tyr a, Sidon a tɔ.