Marc 2:12 - Nouveau Testament en Gulay 2004

¹² Ke loon’t nè kuwe, dingem nè nga ɔse nang in dɔ, ɓir nyan too’n, unde loo tee tàkum dooge’t malang ade teli ndii giw. Dooge malang ulei ndubra dè Nube’t edi nè: – Jè j’an nyan ke titeke bè nja karé ndan lé ɓai.

Marc 2:12 Iomraidhean Croise

Matthieu 12:23

Tà ige kosdoo-bulege sêl ade tami edi nè: – Ké è nè nga á è ngonnkà David lé wa?

Matthieu 15:31

Ndil kosdoo-bulege tee an-in soin-soin. Njé ke tami tà lé unni gir tami tà. Njédɔgemetege teli njiyei ɗáj-ɗáj. Njémetege njiyei awi a, teli a, njékumtɔge géa an-in loo njai-njai a tɔ. Doobulege ɔsi pa ulei ndubra dè Nube’t le Israel.

Matthieu 9:33

Loo ke Jésu rɔ ndil ke majelé kɔke kêm dingem’t nè ɓá ɓaa, ke loon’t nè kuwe dingem nè nga unn gir tam tà yàr-yàr. Ndil doobulege tee an-in soin-soin ade tami edi nè: – Ndɔ karé doo an nyan ke titeke bè kêm ɓeekon ke Israel nga ndan lé ɓai.

Matthieu 9:8

Loo ke kosdoo-bulege an-in bè ɓaa, ɓel unde de ndàt gang dè ade ɗɔyi Nube ke njè kade dooge tɔgmong ke titeke bè nga.

Marc 1:27

Ndil dooge malang tee an-in soin-soin ade deji nan tà edi nè: – Ké nyan nè nga è ri wa? E nyan-ndó ke gai se tɔgmong ke in ra Nube’t. Ndilge ke majelé géa Jésu on de njanm-njanm ade ulei dè de adii.

Marc 2:11

– M’edi, ɔse nang in dɔ, i ɓir nyan tooi ɓaa ɔte aw kêm kei lei.

Tà ke Maje ke Luc ndang 13:13

Jésu ile ji’n dè dinye’t nè nga ɓaa, ke loon’t nè kuwe è ute tà’n dɔ a, è unn gir kule ndubra dè Nube’t se ndɔ karé-karé malang a tɔ.

Tà ke Maje ke Luc ndang 17:15

Nè è ke karé dann de’t an titeke ra’n tel tò karè ndát-ndát ɓaa, è ɔse wan dè njann’t tel ree ule ndubra dè Nube’t se ndu’n ke bòi.

Tà ke Maje ke Luc ndang 5:26

Dé malang tà ige de sêl ade d’ule’n ndubra dè Nube’t. Ɓel unde de ndàt gang de ade d’ede nè: – Ɓila j’an nyange ke dum kum.

Tà ke Maje ke Luc ndang 7:16

Dooge malang ke an-in nyan nè nga, ɓel unde de ndàt gang de ade ulei ndubra dè Nube’t edi nè: – Njèribe-dè-tà ke tà Nube’t karé ke bò unde loo tee dann jéi’t! E Nube kuwe á ree din-in kosdooge le’n!

Jean 7:31

Dooge ngain dann doobulege’t umi kêm dè Jésu’t. Ei tami edi nè: – Loo ke ndɔn’t Krist à ree nga, ké à ra nyankɔbege ngain dum ège ke doo nè ra nga wa?

Jean 9:32

Doo ke d’oje’n ke njèkumtɔ nga, doo ade kum’n teen ade j’oo tà’n nja karé bè ndan lé ɓai.

Nyanra Njekawkulege 4:21

Loo ke d’oo tà ke Pierre se Jean tami nè bè ɓaa, dé tel d’ibe de pe^-pe^ ɓita d’inye go de ɓai. Tede d’inge tà ke get le kum’n de dangai’t lé. Dé ra titeke bè tede kile ke kosdooge malang ilei riɓar dè Nube’t ɔje dè njèdɔgemete ke ra’n tel mong ɗaj-ɗaj.