Marc 16:17 - Nouveau Testament en Gulay 2004

¹⁷ Njé ke d’um kêm de dè Tà ke Maje’t nga, Nube à ade d’ade ra nyankɔbege ke nè: d’a rɔ ndilge ke majelé se ri’m, d’a tam tà tam dooge ke rang.

Marc 16:17 Iomraidhean Croise

Marc 9:38

Jean ede Jésu ede nè: – Kuwe jé, kété j’an doo karé unn rii rɔ’n ndilge ke majelé kêm dooge’t kɔke, nè jè j’ɔge’n dè’t tede è le jéi lé.

Tà ke Maje ke Luc ndang 10:17

Go’t gugu, njékuwe-gir-Jésuge ke kɔr-ji sejimute-gidé-joo teli se ranel reei edi nin edi nè: – Kuwe-ɓee, ndilge ke majelé géa, loo ke jè tam tà se rii ɓaa, d’ule dè de d’ade jè.

Jean 14:12

Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

Nyanra Njekawkulege 10:46

Juipge ke njétaakêm-Kristge ooi tà tam dooge ke rang ɔji nan tà se njétaakêm-Kristge ke Juipge lé nga pɔt-pɔt ilei riɓar dè Nube’t.

Nyanra Njekawkulege 16:18

E ra titeke bè kum’n ke kété-kété ase ndɔ bule. Wong ra Paul ade tel tur ra’n dè ndil ke majelé’t ke tò kêm ngonn ke dinye’t nè nga, ede’n ede nè: – M’unn ndu’m se ri Jésu-Krist m’adi, unde loo i tee kêm ngonn ke dinye’t nè kɔke. Kêm kàdenn’t nè kuwe, ndil ke majelé nga unde loo tee.

Nyanra Njekawkulege 19:6

Paul ile ji’n dè de’t ɓaa, Ndil-Kêmnda ree dè de’t. D’unn gir tam tà tam dooge gai-gai a, dé ribe dè tàge ke in tà Nube’t a tɔ.

Nyanra Njekawkulege 2:33

Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.

Nyanra Njekawkulege 5:16

Doobulege in-in se ngann ɓeege ke tooi kɔte ɓee-bò ke Jérusalem reei se njératurge se njé ke ndilge ke majelé rai kum de ndoo. Njératurge ke dé ree se de nga, ratur ɔr dè de’t ndát-ndát.

Nyanra Njekawkulege 8:7

Ndilge ke majelé undei loo teei kêm dooge’t bule se non tà de’t kaláng-kaláng. Dooge ngain ke kêl ra de wei tonrin a, se njédɔgemetege nga, Philippe ade ratur ɔr dè de’t ndát-ndá a tɔ.

1 Nje Ke Corinthe 12:10

Ndil á ade doo karé ke nè tɔgmong kade ra’n nyankɔbege, ade doo karé ke rang Ndil ade è njèribe-dè-tàge ke tà Nube’t. Ndil ke karé nè kuwe ade doo karé gos ter nyan ke in ra Ndil-Kêmnda’t se nyan ke in rann’t lé. Ndil-Kêmnda ade doo karé ke rang gos tam tà koje dooge ke rang gai-gai a, ade doo karé ke rang ɓai gos tel gir tàge gai-gai a tɔ.

1 Nje Ke Corinthe 12:28

Dooge ke desêin ke Nube unde de dè njékebe nange’t le’n nga ei njékawkulege, njé ke ɔsi go de ei njéribe-dè-tà ke tà Nube’t. Dooge ke njèkon’t mute ei njéndó dooge nyan. Go’t ɓaa, ei njé ra nyankɔbege se njékɔr ratur ra dooge’t se njé ra se dooge ke rang se njékɔr non dooge a, se njé tam tà tam dooge ke rang gai-gai a tɔ.

1 Nje Ke Corinthe 12:30

Dé njékɔr ratur ra dooge’t éké njé tam tà tam dooge gai-gai malang lé a, dé malang dé njé tel gir tàge lé a tɔ.

1 Nje Ke Corinthe 13:1

Ke nè á m’tam tà tam dooge ke dè nang nè éké ke danrán malang nè tár nan goto kêm’t ɓaa, m’tò titeke ninge-kase ke ɓar kêng-kêng éké ganga ke ɓar ase loo nák-nák karè.

1 Nje Ke Corinthe 14:2

Tede doo ke tam tà tam dooge ke rang gai-gai ke njé ke rang geri lé nga, tam tà se dooge lé nè tam tà se Nube. Doo karé bè géa oo dè tà le’n lé, nè è tam tà ke tò loo ɓɔyɔn’t takul Ndil.