Marc 16:16 - Nouveau Testament en Gulay 2004

¹⁶ Doo ke um kêm’n dè Tà ke Maje’t ade d’ule’n manné njonm ɓaa, d’a d’aje’n. Nè doo ke um kêm’n dè’t lé ɓaa, tà à uwe dè’n ndɔ gangtà’t.

Marc 16:16 Iomraidhean Croise

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Marc 1:15

– Ndɔ ke Nube ɔje nga ase deĵ ɗarinè ta, Konɓee le Nube nain ngɔr. I turi hal si, undei kêm si dè Tà ke Maje’t a tɔ.

Tà ke Maje ke Luc ndang 8:12

Dooge ke nange tooi asinan se njar ko ke tée toso ngang rebe’t. D’oo Tà ke Maje le Nube kuwe, nè njèban ree ɔr Tà ke Maje nè nga dè ɓengre de’t wont kɔke ɔge de kum kêm de dè’t kaje’n ra de. Dé nè nga, dé tò d’asenan se njar ko ke tée toso dè her’t bè.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 6:29

Jésu tel ile de dè’t ede nè: – Nyan ke kêm Nube ndige nga, è le kade undei kêm si dè è ke Nube ulenn’t nga.

Jean 6:35

Jésu ede de ede nè: – Mapa ndikumgajer nè nga è man. Doo ke ree ram’t ɓaa, ɓo a ra’n ndan lé. Doo ke unde kêm’n dèm’t ɓaa, kunde mann à ra’n ndan lé a tɔ.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Jean 8:24

Gir’n ke nè á kété m’ede’n sei m’ede nè a weii dann kaiya’t le si. Ke nè á umi kêm si dèm’t titeke man m’ee Krist nga lé ɓaa, a weii dann kaiyage’t le si kerɔte kuwe.

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nyanra Njekawkulege 13:39

Doo ke rara ke unde kêm’n dènn’t ɓaa, Nube à ɔr tà dènn’t kɔke.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 2:41

Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.

Nyanra Njekawkulege 22:16

Ɗarinè ké a i ngine ri ɓai wa? Ɔse nang in dɔ ade d’ulei manné njonm se ri’n ɓaa a inge kêm tin mbit dè kaiyage’t lei.»

Nje Ke Rome 3:6

Ḿ-m̀! Nube è njè ra nyan ke se dè naje’n lé ndan lé. Ke nè á Nube gangtà dè jéi jèi Juipge’t lé ɓaa, ké à gangtà dè dooge ke rang titeke bain wa?

Nje Ke Rome 4:24

nè dé ndang tà nè d’ɔje’n dè jéi jèi ke Nube ɔr tà dè jéi’t takul kêm jéi ke j’undei dè’n è ke njè kade Kuwe-ɓee le jéi Jésu unde loo tee dann njé ke koo’t nga.

2 Nje Ke Thessalonique 1:8

Kem̂ ndɔn’t nè nga, kuwe jéi Jésu à ade kure nyanra njé ke geri Nube lé se njé ke ilei koje dè Tà ke Maje’t le kuwe jéi Jésu-Krist lé à ɔde kum de.

2 Nje Ke Thessalonique 2:12

Dooge malang ke mbati kundei kem̂ de dè ngarankum tà’t, nè rai ranel dè nyan ke se dè naje’n lé nga, d’a gangtà dè de’t kuwe.

1 Pierre 1:21

E takul’n è Krist á sei undei kem̂ si dè Nube’t ke njè kade unde loo tee dann njé ke koo’t a, ke njè kule ndubra dènn’t a tɔ. Gir’n ke nè á sei undei kem̂ si dè Nube’t a, kem̂ si too’n tchên ke dènn’t a tɔ.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.

Lookilera’n 20:15

Doo ke rara ke dé ndang ri’n kem̂ magtub ndikumgajer’t nè nga lé ɓaa, d’a kile’n patak dann por ke on se laa’n bilm-bilm nè nga tɔ.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»