Marc 16:10 - Nouveau Testament en Gulay 2004

¹⁰ Marie tel aw ra njémade-loo-kawge le Jésu ke kété ei nan’t se’n. Ei ndii dann kumndoo’t à noin. E ede de titeke Jésu nga unde loo tee dann njé ke koo’t ɓá.

Marc 16:10 Iomraidhean Croise

Matthieu 19:22

Nè loo ke basa doo nè nga oo tà nè nga bè ɓaa, kêm’n nel’n lé ade ɔte se wong biring aw tede nyankinge’n è ngain.

Matthieu 24:30

Nyantɔjege le’m man ke m’ee Ngonn doo à teei kàde danran’t. E á girkoje dooge malang ke dè nang nè à undei de dai-dai se non. Girkoje dooge malang à an-in man ke m’ee Ngonn doo loo tel ree’t le’m dann kil’t le ndi se tɔgmong a, se ndubra a tɔ.

Matthieu 9:15

Jésu tel deje de ede nè: – Njètaa dinye kige nga, loo ke madennge ei se’n ɓai nga, ké asi ndii dann nyantosowur’t wa? Nè ndɔ ke d’a d’uwe njètaa dinye kige nè wont kɔr’n dann de’t ɓita d’a kɔge kêm de ɓo ɓai.

Marc 14:72

Ke loon’t nè kuwe, kuren kunje non ke njèkon’t joo. Kêm Pierre olé dè tà ke Jésu tam kété ede nè: «Kété ɓita kade kuren kunje non ke njèkon’t joo nga, i à tɔr naje se rai dèm’t nja mute kede nè i ger’m lé.» Loo ke kêm Pierre olé dè tà’t nè nga ɓaa, ke loon’t nè kuwe, è unn gir non ɓɔkl-ɓɔkl.

Tà ke Maje ke Luc ndang 24:17

Jésu deje de ede nè: – Ké tà ri á i njiyei ɔji nan dɔ-dɔ bè wa? Dé tel dé nda nang se kumkil kororo.

Jean 16:6

Kêmkon rusu kêm si tede tàge nè ke m’ede sei nga.

Jean 20:18

Marie ke ɓee le’n è Magdala ree ede njékuwe-gir-Jésuge ede nè: – Man nga m’an Kuwe-ɓee ɓá. Marie ɔr sertàge ke Jésu ede’n ade d’oo.