Marc 15:43 - Nouveau Testament en Gulay 2004

⁴³ Joseph, doo ke ɓee le’n è Arimathée, unde loo tee pan. Doo nè nga è balkum njégangtà le Juipge ke d’ile koje dènn’t ngain. Joseph nè ndi ngine ndɔ ke Nube ayé kon’n ɓee nga tchên. E njiye masas aw ra Pilate’t deje’n ninn Jésu.

Marc 15:43 Iomraidhean Croise

Matthieu 19:30

Dooge ngain ke ei ngawtà made dege ɗarinè nga, à teli k’ei njékutu go made dege. Dooge ke ei njékutu go made dege ɗarinè à teli k’ei ngawtà made dege a tɔ.

Matthieu 20:16

Titeke bè á njé ke gugu à teli k’ei njé ke kété a, njé ke kété à teli k’ei njé ke gugu a tɔ.

Matthieu 27:57

Loo ke loo sɔl ɓá ɓaa, dingem karé ke è baw ree. Doo nè nga géa è njèkuwe-gir-Jésu tɔ. Ri’n nè Joseph. Ɓee le’n è Arimathée.

Marc 14:54

Pierre tɔde go de’t jêke^-jêke^ ndolè go Jésu, nè è ade dann’n heb ɗêk sár aw tee’n kêm geng’t le maw njèkuje nyan-mese nè nga. E ndi nang à ndibe por se njé ngonm tà looge.

Marc 15:44

Kàde Pilate gete get-get dè ninn Jésu’t ade ule kule ɓar njèkan dè njèrɔge ke aru karè. Loo ke è ree ɓá ɓaa, Pilate deje’n ede nè: – Ké Jésu nga tà’n tête ɓá kerɔte wa?

Tà ke Maje ke Luc ndang 2:25

Dingem karé bè, ri’n nè Siméon, è ndi kêm ɓee-bò ke Jérusalem. Dingem nè nga, è njè ra nyan se dè naje’n tàkum Nube’t a, è njè kile koje dènn’t a tɔ. E ndi ngine è ke njèkaje ngannkà Israel nga tchên. Ndil-Kêmnda nain se Siméon.

Tà ke Maje ke Luc ndang 2:38

Loo ke Siméon ndi à tam tà ɔje’n dè ngonn nè nga ɓaa, Anne géa tee hɔi tɔ. E unn gir ra Nube oiyo tede tà le ngonn nè. Dooge malang ke ndii nginei ndɔ ke Nube à ɔr’n dooge ke Jérusalem dann kumndoo’t le de nga, Anne ede de tà ke ɔje dè ngonn ke kide nè nga.

Tà ke Maje ke Luc ndang 23:50

Dingem karé bè ndi tutu, ri’n nè Joseph, ɓee koje’n è Arimathée ɓeekon ke Judée. Dingem nè nga è balkum njégangtàge. E doo ke njèkêm-maje se njè ra nyan danné sêw a tɔ.

Tà ke Maje ke Luc ndang 23:51

E ndige se madennge dè nyan ke ɔji le rai nga lé a, è um nan’t se de dè nyan ra de’t lé a tɔ. E ndi ngine Konɓee le Nube tchên.

Jean 19:38

Go nyange ke teei’t nè nga, Joseph ke ɓee le’n è Arimathée aw deje Pilate kade inye loo ade ɔr ninn Jésu. Pilate ndige se’n dè’t. Joseph aw ɔr ninn Jésu kàde kage-ke-dese’t. Joseph nè nga, kété è njèkuwe-gir Jésu se go ngein tede è ɓel kum Juipge.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 17:12

Dooge ngain dann de’t teli njétaakêm-Kristge. Dinyege ke ei njényan-kingege se konmolége a, se dingemge ase tà’t teli njétaakêm-Kristge tɔ.

Nje Ke Philippes 1:14

Sulge ke m’ndii’n jim’t nga ule dingem kem̂ njétaakem̂-Kristge ke nange ade ilei mber Tà le Nube se kem̂nda anje ɓel nyan karé.