Marc 15:14 - Nouveau Testament en Gulay 2004

¹⁴ Pilate deje de ede nè: – Ké majelé ri á n’ra wa? Nè loo ke Pilate deje de tà nè bè ɓaa, dé tel dé ra nyan wuu-wuu d’ede nè: – Ade dé ɓeré kàde kage-ke-dese’t ke ɓer kuwe bè.

Marc 15:14 Iomraidhean Croise

Matthieu 27:19

Loo ke Pilate ndi nang dè ɗinger loo gangtà’t ɓaa, neen’n ule doo karé rann’t ede nè: – Ile tài tu tà’t le njè ra nyan se dè naje’n nè nga lé. Ndɔɔ laa m’nin se’n tò ɓel ngain.

Matthieu 27:4

E ede de ede nè: – M’ra majelé tede m’ule è ke tà uwe dè’n lé ji si’t. Nè njékɔr non Juipge edi Judas edi nè: – Usu jè nyan karé lé ta. E tà kingei i kuwe.

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Marc 15:13

Doobulege unni gir rai nyan wuu-wuu edi nè: – Ade dé ɓeré kàde kage-ke-dese’t.

Marc 15:15

Pilate ndige le kade ra doobulege nel de. Gir’n ke nè á è ɔr’n Barabbas inye’n dɔ. E ade njérɔge undei Jésu se ndêin maru pa ɓita ule’n ji de’t le kade awi se’n ɓeri nin kàde kage-ke-dese’t ɓai.

Tà ke Maje ke Luc ndang 23:21

Nè dé tel dé ra nyan wuu d’ede nè: – I ɓeré kàde kage-ke-dese’t ke ɓer kuwe bè.

Tà ke Maje ke Luc ndang 23:4

Ngar Pilate ede maw njékuje nyan-mesege se dooge ke kebi nan ede nè: – Doo nè nga man m’an tà karé bè ke uwe dè’n lé.

Tà ke Maje ke Luc ndang 23:41

Jè sei ɓaa tà ke dé gang dè jé’t nga è kum kuwe. Tede è kure nyan ra jé á ɔde kum jé. Nè è nè nga, ra nyan karé bè ke majelé lé.

Tà ke Maje ke Luc ndang 23:47

Loo ke kuwe njérɔge ke njèkunn dè de an nyange ke teei nè bè ɓaa, è ule ndubra dè Nube’t ede nè: – Loo naje’n goto, doo nè nga è doo ke danné sêw kuwe.

Jean 18:38

Pilate tel deje Jésu ede nè: – Ké ngarankum tà nga è ri wa? Loo ke Pilate deje Jésu tà nè nga bè ɓaa, tel unde loo tee aw ra Juipge’t nata ede de ede nè: – Man ɓaa, m’an tà karé bè ke uwe dè dingem nè nga lé.

Jean 19:6

Loo ke maw njékuje nyan-mesege se pajage le de an-in Jésu pan ɓaa, ei rai nyan wuu edi nè: – I ɓeré kade kage-ke-dese’t! I ɓeré kàde kage-ke-dese’t! Pilate tel ede de ede nè: – Sei kuwe i taai n’ee awi i ɓeri n’ee kàde kage-ke-dese’t tede man ɓaa, m’an tà karé ke uwe dèyé lé.

Nyanra Njekawkulege 13:28

D’inge tà karé bè le gang’n tà yo dè Jésu’t lé. Nè né è bè géa, dé deje Pilate le kade ade dé tɔl’n.

Nyanra Njekawkulege 19:34

Nè loo ke dé ger titeke è Juip ɓaa, dé malang d’unde ndu de nan’t dé ra nyan wuu-wuu ase ngire kàde jooge bè d’ede nè: – Artémis le njé ke kêm ɓee-bò ke Ephèse nga, è ke bò!

Hebreuge 7:26

Jésu nga è maw njèkuje nyan-mese ke j’awi ndoo’n. E tò se ninn’n gai, tà karé géa uwe dè’n lé a, nyan ke mine karé géa ɓar ri’n lé a tɔ. E ɔr ra’n ndi mbeng se njé ra majelége a, Nube unn’n unde’n dɔ mbeng dè nyange’t malang a tɔ.

1 Pierre 1:19

Nè Nube uge dè si se mese Krist ke nar’n ur kugu. Krist nga tò asenan se ngonn bate ke gel’n goto a, ra’n ɔr ɓál lé a tɔ.