Marc 14:71 - Nouveau Testament en Gulay 2004

⁷¹ Pierre ubu ra’n ede nè: – Tà ke m’ede sei nè nga, ke nè á è tà lanm ɓaa, maje kade Nube gangtà dèm’t. Doo nè nga m’ger’n lé kerɔte kuwe.

Marc 14:71 Iomraidhean Croise

Marc 14:70

Mbɔr go’t gugu ɓaa, njé ke ndii se Pierre nan’t nga teli tami edi nè: – Loo naje’n goto, i géa i se dooge nè nga tɔ. Tede i géa, i doo ke ɓeekon ke Galilée. Tà tami tanan se le de tɔ.

Marc 14:72

Ke loon’t nè kuwe, kuren kunje non ke njèkon’t joo. Kêm Pierre olé dè tà ke Jésu tam kété ede nè: «Kété ɓita kade kuren kunje non ke njèkon’t joo nga, i à tɔr naje se rai dèm’t nja mute kede nè i ger’m lé.» Loo ke kêm Pierre olé dè tà’t nè nga ɓaa, ke loon’t nè kuwe, è unn gir non ɓɔkl-ɓɔkl.

1 Nje Ke Corinthe 10:12

Gir’n ke nè á doo ke gir kêmn’t ede nè n’nda dɔ ɓaa, maje kade unde kumkunju dè rann’t nè bainléa à kin koso dann majelé’t.