Marc 14:61 - Nouveau Testament en Gulay 2004

⁶¹ Nè Jésu ndi an’n mar-mar anje kile maw njèkuje nyan-mese dè’t. Maw njèkuje nyan-mese tel deje Jésu ede nè: – Ké i nga kuwe á i Krist, Ngonn le Nube le jé ke jè ɗɔi’n nè nga wa?

Marc 14:61 Iomraidhean Croise

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Matthieu 8:29

Dingemge nè nga tami se ndu de ke bòi beng edi nè: – I Jésu nga ké usi ri ra jé’t wa? Ké i ree le ra kum jé ndoo ɓá ta wa?

Marc 14:60

Maw njèkuje nyan-mese ɔse nang in tàkum dooge’t malang deje Jésu ede nè: – Ké aw se tà karé bè le kile dè tàge ke dé tête d’unde tài’t nè nga lé wa?

Marc 15:2

Pilate deje Jésu ede nè: – Ké i a i ngar le kos Juipge nè wa? Jésu ile Pilate dè’t ede nè: – E kuwe i tam tài’t non.

Jean 1:34

Man m’an nyan nè nga se kum’m; gir’n ke nè á ndɔ ke m’tam’n titeke è nè nga è Ngonn Nube kerɔte kuwe.

Jean 10:24

Juipge an-in dè Jésu girm ulei nan’t ɓaa, deji nin edi nè: – Ké ndɔ ke ra a ade kêm jé à oso nang pon wa? Ke nè á i Krist nga ɓaa, ede jè ndàt ade j’oo.

Jean 10:36

Man nga, Bɔ’m Nube ɔr’m unde’m se ninn’n kété ɓita ule’m dè nang nè ɓai. Ké bain á m’ede nè man Ngonn’n ɓaa sei tami edi nè m’nede’n taɓai wa?

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 19:7

Juipge teli ilei Pilate dè’t edi nè: – J’aw se gute-ndu karé. Se go gute-ndu le jé nè nga ɓaa, d’a tɔlé gar-gar. Tede n’ee nga n’ra rayé ke Ngonn Nube kuwe njing.

Jean 19:9

E tel aw kêm kei kɔg-loo gangtà’t le’n gugu, è deje Jésu ede nè: – Ké i nga girkà lei è nan wa? Nè Jésu tel ile Pilate dè tà’t lé sár.

Nyanra Njekawkulege 8:32

Tà ke kêm magtub ke tò se ninn’n ke è ndi à tute nga á tò nè: «Dé ndɔr’n asenan se kon bate ke d’aw se’n ke loo tɔl dange’t bè. E tò asenan se ngonn bate ke tà’n tò se loo ndêm’n non njèkuje welenn’t anje teen tà’n nyên.

1 Timothee 1:11

Nyan-ndó ke maje nga uwe made nan se Tà ke Maje le Nube ke njè ndubra se njè gir ranel a tɔ. Oiyo, Nube ke njè tɔgmong um kule mber Tà ke Maje nè nga jim’t kuwe.

1 Timothee 6:15

Nube á è njè kɔje ndɔ kade Krist unde’n loo tee’n pan. Nube è ngire ranel. E kuwe karé bere luk-luk á è njè tɔgmong. Nube kuwe karé bere luk-luk á è Ngar dè ngarge a, è Kuwe-ɓee le kuwe-ɓeege a tɔ.

1 Pierre 2:23

E nga ndɔ ke dé taje’n, nè è taje de gute made’t lé. Ndɔ ke dé ra se’n nyankem̂kon, nè è tam se de ede nè a an-in ɓai lé a tɔ. Nè è inye ra’n bere mbak ji Nube’t ke njègangtà se dè naje’n kuwe karé.