Marc 14:41 - Nouveau Testament en Gulay 2004

⁴¹ Jésu ɔse wan tel ree ra de’t njèkon’t mute deje de ede nè: – Ké awi ndoo tò ɓi a, taa kebe ke kété-kété ɓai wa? Adi ase sei bè! Kàde’n ase ɓá ta. An-in! man Ngonn doo nga, d’a d’ule’m ji njékaltàge tà Nube’t.

Marc 14:41 Iomraidhean Croise

Matthieu 26:2

– Sei geri titeke nain ndɔ joo ɓaa à è ndɔ ra nan Paque. Man ke m’ee Ngonn doo nga, d’a d’uwe’m kule’m ji dooge ke geri Nube lé tede kàde ɓeri man dɔ kàde kage-ke-dese’t.

Marc 14:10

Go’t gugu Judas Iskariot, è ke karé dann njékuwe-gir-Jésuge ke dɔg-gidé-joo aw inge maw njékuje nyan-mesege. E ndige le kule Jésu ji de’t.

Marc 14:18

Loo ke ei ndii à usei nyan ɓaa, jésu ede de ede nè: – Kerɔte kuwe, man m’ede sei ndàt, doo karé dann si’t à unn dè’m. Doo nè à è ke karé dann njé ke ndii à usei se’m nyan’t nè.

Marc 14:35

E aw mbɔr ke kété ɓaa, labe tà kêm’n nang ɔje tà se Nube le kade bainléa nyantosowur nè nga gang kɔtenn’t lé.

Marc 14:40

Mbɔr ɓaa, Jésu ɔse wan tel ree ra njékuwe-girnge’t kuwe ɓai. Kum de ojo nan’t ngandang-ngandang se ɓi ade geri tà ke le kedi nin lé.

Marc 14:42

In-in dɔ, adi jè tilei kum de. An-in! njèkule’m ji de’t nga è ngɔr ta.

Marc 7:9

Jésu aw se de ke kété-kété ede nè: – Kerɔte kuwe, sei surei go ndukunnge le Nube inyei tede le liger dè nyangirkà’t le si tá lagr-lagr.

Marc 9:31

Tede è ndi à ndó nyan njékuwe-girnge ede nè: – Man ke m’ee Ngonn doo nga, d’a d’uwe’m kule’m ji tɔgmong’t le dooge a, d’ade tɔl’m a tɔ. Ndɔ ke njèkon’t mute go kwei’t le’m ɓaa, m’a m’unde loo tee dann njé ke koo’t.

Jean 12:23

E ile de dè’t ede nè: – Gar-gar kàde kule ndubra dè’m man Ngonn doo’t nga ase ɓá ta.

Jean 12:27

Ɗarinè kêm’m tò kekek. Nè ké ri á m’a ra wa? Ké m’a deji Bɔ’m le kade taa’m tà yo’t kêm kàdenn’t nè wa? M’ree tede le kwei ɓaa, m’a m’wei kuwe.

Jean 17:1

Loo ke Jésu ede njékuwe-girnge tàge nè gir gang ɓá ɓaa, è unn kum’n ke danrán ede nè: – Bɔ’m, kàde’n ree ɓá ta. Ile riɓar dè ngonni’t, tede kade ngonni géa ile riɓar dèi’t tɔ.

Jean 7:30

Loo ke Jésu tam tà nè titeke bè ɓaa, dé sang le kuwe’n, nè doo karé bè géa ule ji’n ɔde’n lêm lé tede kàde le’n nain ɓai.

Jean 8:20

Jésu ndi ngɔr se ke kɔg-loo ngonm nar’t. E tam tàge nè nga loo ke ndi à ndó’n de nyan kêm kei le Nube. Nè doo karé bè géa uwe’n lé tede kàde’n le’n nain ɓai.

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.