Marc 14:26 - Nouveau Testament en Gulay 2004

²⁶ Loo ke gir nyan nè gang ɓá ɓaa, d’ɔse page d’ule’n ndubra dè Nube’t ɓita d’unde loo dé tee d’aw dè mbal ke kage olivierge ndai tutu ɓai.

Marc 14:26 Iomraidhean Croise

Matthieu 21:1

Jésu se njékuwe-girnge reei teei kêm kɔki ɓee ke ri’n nè Bethpagé, tò kɔte mbal ke kage olivierge ndai tutu. Loo ke ei undei dè ɓee-bò ke Jérusalem ngɔr ɓaa, Jésu ɔr njékuwe-girnge joo ule de kété ede nè:

Matthieu 26:30

Go’t gugu, d’ɔse page ɓita d’unde loo dé tee d’aw dè mbal’t ke kage olivierge ndai tutu ɓai.

Marc 14:25

Kerɔte kuwe, man m’ede sei ndàt, m’a tel kain mann nduu gugu ndan lé kade m’an-in’n è ke kige kêm Konɓee’t le Nube.

Tà ke Maje ke Luc ndang 22:39

Go’t gugu Jésu unde loo tee aw dè mbal’t ke kage olivierge ndai tutu titeke è ra’n kété-kété. Njèkuwe-girnge ndolèi goo’n.

Jean 18:1

Loo ke Jésu tam tàge nè nga gir gang ɓá ɓaa, è se njékuwe-girnge undei loo teei awi gide mba-loo ke mann ba Cédron ɔr. Loo ke ei awi tutu nè nga, è loo man-kagege.

Nyanra Njekawkulege 16:25

Dann ndɔɔ bɔp ɓaa, Paul se Silas ɔji tà se Nube’t a, ɔsi pa ulei ndubra dènn’t a tɔ. Dangai made dege uri mbi de ooi ndu de.

1 Nje Ke Corinthe 14:15

A ɓaa, ké ri á m’a ra ta wa? M’a kɔje tà se Nube se ndil’m, nè m’a kɔje tà se Nube se tàgir le’m tɔ. M’a kɔse pa se ndil’m, nè m’a kɔse pa se tàgir le’m tɔ.

Nje Ke Colosses 3:16

Maje kade tà le Krist urkei kem̂ si’t bàj-bàj a, ade sei kumkunju ke deri tede kade i ndóii nan nyan a, i tɔji nan nyan a tɔ. Ɔsi page i rai oiyo se ngarankem̂ si bere mbak. Ɔsi page ke Ndil á ule tà si’t i piti Nube tede kem̂-maje le’n.

Jacques 5:13

Ké nan dann si’t á ndi dann nyankem̂kon’t wa? Ke nè á doo karé dann si’t ndi dann nyankem̂kon’t ɓaa, maje kade ɔje tà se Nube kum’n ke kété-kété. Ké nan dann si’t ndi se kem̂nda káng wa? Ke nè á doo karé ndi se kem̂nda káng ɓaa, maje kade ɔse page ɗɔi’n Nube.

Lookilera’n 5:9

Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.