Marc 14:22 - Nouveau Testament en Gulay 2004

²² Loo ke Jésu se njékuwe-girnge ndii tà nyankuse’t ɓaa, Jésu unn mapa karé, è ra Nube oiyo ɓita uwe tête danné ade de ede nè: – I taai, è ke nè è danra’m.

Marc 14:22 Iomraidhean Croise

Matthieu 14:19

Taɓai è unn ndu’n ade kosdoo-bulege ade têti ra de ndii nang dè walè’t. E oto mapage ke mi se tutu kanjege ke joo nè nga, an loo ke danrán ra Nube oiyo. Go’t gugu è tête mapa nè nga danné ade njékuwe-girnge, taɓai in-in ke kété noboi kosdoo-bulege tɔ.

Marc 10:16

Jésu ile ji’n dè ngannge’t se gonan-gonan ede nè: – Maje kade Nube tɔr ndu’n dè si’t.

Marc 14:21

Ngonn doo nga à ɔte le kaw se go tàge ke dé ndang kêm Magtub ke tò se ninn’n d’ɔje’n dè’n. Habi! doo ke njèkule Ngonn doo ji de’t nga, nyankêmkon à ra’n. Doo nè nga né d’oje’n lé géa è soo’t.

Marc 14:23

Go’t gugu ɓaa, è unn mann nduu kêm kalmann’t ra Nube oiyo ɓita è ule ade d’an-in pêrm-pêrm d’ade nan gute.

Marc 14:24

Taɓai Jésu ede njékuwe-girnge ede nè: – E ke nè, è mese mann-ra ke an-in uge dè dooge bule.

Marc 6:41

Jésu unn mapa ke mi se tutu kanjege ke joo nè nga jinn’t. E an loo ke danrán, ra Nube oiyo ɓita tête danné ade njékuwe-girnge le kade kayai awi undei non mate dooge malang. Go’t gugu, Jésu kai kanje ke joo nè nga kosdooge malang.

Tà ke Maje ke Luc ndang 22:17

Loo ke Jésu taa nyankain mann-nduu nè nga ɓá ɓaa, è ra Nube oiyo kété ɓita è tam ede nè: – I taai umi pêrm-pêrm adi nan gute.

Tà ke Maje ke Luc ndang 24:30

Loo ke è ndi se de tà nyankuse’t ɓaa, è unn mapa karé ra Nube oiyo pa ɓita uwe tête danné ade de ɓai.

Jean 6:23

Nè né è bè géa, ngann batoge ke rang in-in kêm ɓee-bò ke Tibériade reei. Dé ree ngɔr kɔte loo ke tagela Jésu ra’n Nube oiyo pa ɓita ade dooge mapa usei ɓai nga.

1 Nje Ke Corinthe 10:4

Dé malang d’an-in nyankain ke karé ke in danrán nga kuwe tede dé malang d’an-in mann ke ube kàde mbal’t kutch-kutch a tɔ. Mbal nè nga ndolè go de. Mbal nè nga è Krist.

Nje Ke Galatie 4:25

Agar nga è tite mbal ke ri’n nè Sinai ke tò kem̂ ɓeekon ke Arabie. Agar tò ɓila asenan se ɓee-bò ke Jérusalem se Juipge ke ndii gir ɓer’t.