Marc 14:21 - Nouveau Testament en Gulay 2004

²¹ Ngonn doo nga à ɔte le kaw se go tàge ke dé ndang kêm Magtub ke tò se ninn’n d’ɔje’n dè’n. Habi! doo ke njèkule Ngonn doo ji de’t nga, nyankêmkon à ra’n. Doo nè nga né d’oje’n lé géa è soo’t.

Marc 14:21 Iomraidhean Croise

Matthieu 26:54

Tà ke dé ndang kêm magtub ke tò se ninn’n d’ede nè: «Gar-gar nyan nè nga à tee titeke bè» nga, ké à aw loon’t deĵ titeke bain wa?

Matthieu 26:56

Nè nyan nè nga, è titeke bè le kade tà ke njéribe-dè-tàge ke tà Nube’t tami nga aw’n loon’t deĵ. Njékuwe gir-Jésuge malang inyei nin ɔti an-in nan karé-karé.

Marc 14:20

Jésu ede de ede nè: – E doo karé dann si sei njékuwe-girmge ke dɔg-gidé-joo ke ule ji’n kêm tasa tar’t se’m nan’t nè kuwe.

Marc 14:22

Loo ke Jésu se njékuwe-girnge ndii tà nyankuse’t ɓaa, Jésu unn mapa karé, è ra Nube oiyo ɓita uwe tête danné ade de ede nè: – I taai, è ke nè è danra’m.

Marc 14:49

M’ndi se si dann kada se ndɔge malang m’ndó dooge nyan kêm kei le Nube. Nè sei uwei man lé. Nè nyan nè nga tee titeke bè le kade nyange ke dé ndang tà’n kêm Magtubge’t le Nube nga, awi loon’t deĵ gar-gar.

Tà ke Maje ke Luc ndang 22:22

Loo naje’n goto, man ke m’ee Ngonn doo nga, m’a m’ɔte kaw se maje’n se go rebe nyan ke d’ɔje’n dè’m. Nè doo ke njèkule’m ji de’t nga à an ɓai!

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Jean 19:28

Jésu ger titeke ɗarinè gir nyan malang gang ɓá. Gir’n ke nè á è tam ede nè: – Kunde mann ra’m. E tam titeke bè le kade tà ke tò kêm magtub ke tò se ninn’n aw’n loon’t deĵ.

Nyanra Njekawkulege 1:25

Doo ke a ɔr’n nga, à è njè taa gute Judas loo kaw kule’t ke inye ɔte aw loo le’n ke ɔje dè’n è kuwe.

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nyanra Njekawkulege 4:27

Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.