Marc 14:2 - Nouveau Testament en Gulay 2004

² Ei edi nan edi nè: – Gar-gar ade j’adi d’uwé, dé tɔlé se go ngein nè bainléa kosdooge ke reei loo ra nan’t nè à in-in rɔi se jéi.

Marc 14:2 Iomraidhean Croise

Matthieu 26:2

– Sei geri titeke nain ndɔ joo ɓaa à è ndɔ ra nan Paque. Man ke m’ee Ngonn doo nga, d’a d’uwe’m kule’m ji dooge ke geri Nube lé tede kàde ɓeri man dɔ kàde kage-ke-dese’t.

Matthieu 26:5

Nè ei tami edi nè: – E tà le kuwe’n tàkum dooge ndɔ ra nan’t lé, tede kosdooge à in-in se jéi se tà.

Marc 11:18

Maw njékuje nyan-mesege se njékɔrgir gute-nduge ooi sertà nè. Ei sangi ké se rebe ke ra n’a tɔli Jésu wa? Nè dé ɓel’n tede doobulege malang nga, ndil de tee an-in soin-soin dè nyan ke è ndó de se ndɔge-ndɔge.

Marc 11:32

Ke nè á j’à j’ilei n’ee dè’t kedi nè: Gir’n in ra dooge’t ɓaa, kosdoo-bulege à in-in se jéi se tà ke le de tɔ. Dé ɓel kosdoo-bulege tede dooge malang an-in Jean ke ngarankum njèribe-dè-tà ke tà Nube’t.

Marc 14:1

Ndɔ ra nan ke anje pululu se ndɔ ra nan ke dé ɓar’n Paque nain ndɔ joo. Maw njékuje nyan-mesege se njékɔrgir-gute-nduge sangi gos ke le kuwe’n Jésu tɔl’n.

Marc 14:3

Jésu ndi kêm ɓee ke Béthanie kei le Simon ke ndɔ ke kété banje ra’n. Jésu ndi à use nyan. Dinye karé bè ree se ku wubu ke dé ra se her ke ri’n nè albatre aw’n go Jésu’t kei. Dinye nè nga ree se wubu ke ete maje ngain ke dé ɓar’n nard kuwe deri rusu ku’n táp-táp. Wubu nè nga è wubu ke nar’n ur kugu, nè dinye nè uwe tà dap tête tête dè Jésu’t.

Tà ke Maje ke Luc ndang 20:6

Ke nè á jè tami j’edi nè: «Ndukunn nè nga in ra dooge ke dè nang nè karè» ɓaa, dooge malang à tilei jéi se kuberi her tɔli jèi, tede dooge malang geri kêm de’t mbak titeke Jean è njèribe-dè-tà ke tà Nube’t.

Tà ke Maje ke Luc ndang 22:1

Ndɔ ra nan ke anje pululu ke dé ɓar’n Paque nain ngɔr.

Jean 12:19

Pharisienge edi nan ede nè: – An-in! nyan karé bè ke soo jéi’t goto ta tede dooge malang ndɔmin nan goyé’t ɓá ta.

Jean 7:40

Loo ke njé ke nange dann doobulege’t ooi tàge nè nga bè ɓaa, ei tami edi nè: – Loo naje’n goto, doo nè nga è njèribe-dè-tà ke tà Nube’t kuwe.