Marc 14:15 - Nouveau Testament en Gulay 2004

¹⁵ Kuwe-kei nè à tɔje sei kei ke dè made’t dɔ. E kei ke dé gɔl kêm’n maje a, nyange malang ke j’awi ndoo’n tò kêmé a tɔ. E á è loo ke a uwei dè nja nyan ra nan Paque nga tutu tede le jéi.

Marc 14:15 Iomraidhean Croise

Marc 14:14

Kêm kei ke dingem nè à aw tutu nga awi se’n ɓaa, sei edi kuwe-kei nè nga edi nè: «Ngar deji nè: ké kêm kei ke ra á n’ee se njékuwe-girnge n’à n’usei nyan nan Paque tutu wa?»

Marc 14:16

Loo ke njékuwe-gir-Jésuge ɔti awi kêm ɓee-bò’t ɓaa, ingei nyange malang tooi loon’t titeke è ede’n de kété nga. D’uwe dè nja nyankuse nan Paque kêm kei nè.

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Nyanra Njekawkulege 1:13

Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 20:8

Kêm kei ke dè madege’t dɔ ke jè kebe nan tutu nga, lampege bule ase tà’t ndogói tutu kotong.

2 Timothee 2:19

Nè né è bè géa, gir nyange ke Nube kuwe unde nga ngiring nang ngiring-ngiring. Gir nyange ke Nube unde nga, è kuwe ndang tàge nè dè’t se ji’n ede nè: «Kuwe-ɓee ger njé ke ei le’n mbak. Nanan ke ede nè n’ee le Kuwe-ɓee ɓaa, gar-gar à ute ra’n mbeng kɔke dè nyanra ke se dè naje’n lé.»

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.