Marc 14:13 - Nouveau Testament en Gulay 2004

¹³ Jésu ɔr njékuwe-girnge joo ule de kade uwei dè nja nyan ra nan Paque. E ede de ede nè: – Ɔti awi kêm ɓee-bò ke Jérusalem. Loo ke ingei dingem karé ke oto ku mann dènn’t ɓaa, awi goon’t.

Marc 14:13 Iomraidhean Croise

Matthieu 8:9

Man kuwe géa m’ile koje dè doo-dèmge’t a, m’aw se njérɔge ke ndii gir ndukunn’t le’m. Loo ke m’ede njè ke karé m’ede nè: «Aw!» ɓaa, è aw. Loo ke m’ede njè ke karé ke rang m’ede nè: «I ree nè» ɓaa, è ɔte ree. Loo ke m’ede ɓer le’m m’ede nè: «I ra nyan ke nè» ɓaa, è ra nyan nè nga tɔ.

Marc 14:12

Dé tɔl ngann batege le ra’n nyankuse. E nyankuse ke olé kêm ngannkà Israel dè ndɔ ke Nube gang’n dè de. Barè lookar’n à è ndɔ ke desêin le nan ke ɔje dè mapage ke anje pululu. Njékuwe-gir-Jésuge deji nin edi nè: – Ké loo ke ra i ndige kade j’aw tutu, j’uwe dè nja nyankusei wa?

Marc 14:14

Kêm kei ke dingem nè à aw tutu nga awi se’n ɓaa, sei edi kuwe-kei nè nga edi nè: «Ngar deji nè: ké kêm kei ke ra á n’ee se njékuwe-girnge n’à n’usei nyan nan Paque tutu wa?»

Jean 15:14

Ke nè á i rai nyange ke m’unn ndu’m m’ade sei nga ɓaa, sei kotárge le’m kerɔte kuwe.

Jean 2:5

Kon Jesu ede ngann njéra kulege ede nè: – Nyan malang ke n’a n’deje sei nga i rai.

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.