Marc 13:9 - Nouveau Testament en Gulay 2004

⁹ Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Marc 13:9 Iomraidhean Croise

Matthieu 5:22

Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Marc 1:44

Go’t gugu, è ede dingem ke banje ɔr rann’t nga ede nè: – I tam tà nè nga ade doo karé bè géa oo lé nè aw ra njèkuje nyan-mese’t, i tɔje’n rai ade an. Go’t ɓita unn nyan-noje ade se go gute-ndu ke Moise ndang. Titeke bè á i tɔje’n njékuje nyan-mesege titeke banje ɔr rai’t ɓá ta.

Marc 13:5

Jésu unn gir kede de ede nè: – Kêm si de ra si’t le kade doo karé géa sú kum si lé.

Marc 13:8

Girkà ke karé à in rɔ se girkà karé ke rang, ngar-ɓee karé à in le rɔ se ngar-ɓee karé ke rang a tɔ. Nang nè à yei ɓuk-ɓuk a, ɓo à oso a tɔ. Nyange nè nga, ei tàpitem nyankêmkonge ke ndii à reei ke ree ɓai.

Marc 6:11

Kêm ɓee-bò ke rara ke awi tutu nga, ke nè á dooge ke kêm ɓee’t nè uwei sei ke ra de’t lé a, ooi tà le si lé a tɔ ɓaa, loo ke a undei loo le teei nata kêm ɓee’t nè nga ɓaa, i gegi bubur ke nja si’t gák-gák umi dè de’t undei naje le si.

Tà ke Maje ke Luc ndang 9:5

Kêm ɓee ke rara ke dooge d’uwe sei ke ra de’t lé nga, loo ke a undei loo teei ɓaa, i geki bubur ke nja si’t gák-gák, undei naje le si.

Jean 15:20

Adi kêm si olé dè tà ke kété m’ede sei’t nga: «Ɓer bòi dum dè kuwe’n lé.» Ke nè á dooge rai kum’m ndoo ɓaa, sei géa à rai kum si ndoo tɔ. Ke nè á ei an-in dè tà le’m sêw-sêw ɓaa, sei géa à an-in dè tà le si sêw-sêw tɔ.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Nyanra Njekawkulege 21:11

Agabus unn ndar dɔ dè kubu le Paul tɔ’n nja’n se ji’n ede nè: – Ooi tà ke Ndil-Kêmnda tam: Doo ke ndar dɔ dè kubu le’n tò nè nga, Juipge ke kêm ɓee-bò ke Jérusalem à tɔɔi nin titeke bè le kulei nin ji dooge ke ei Juipge lé.

Nyanra Njekawkulege 7:54

Loo ke njégangtàge ooi tàge nè nga ɓaa, wong ra de ngain ade ton-in tà de vbat-vbat dè Etienne’t.

Nyanra Njekawkulege 9:16

Doo nè nga, man kuwe m’a m’tɔje’n nyankêmkonge malang ke à inge tede ri’m gar-gar.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

2 Nje Ke Thessalonique 1:5

Nyankumndooge se nyantosowurge nè nga ei nyan-tɔje titeke ndɔ gangtà’t ke se dè naje’n le Nube ɓaa, sei asikum kingei konɓee le’n ke kum si ndi à ra’n ndoo.

2 Jean 1:8

Undei kumkunju dè ra si’t tede kade kule ke jè ra nga tɔ ra jéi’t karè lé, nè le kade ingei nyankuge dè ji si tá.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.