Marc 13:7 - Nouveau Testament en Gulay 2004

⁷ Loo ke ooi tà rɔ éké ser rɔ ke ndɔn’t dooge à rɔi nan ɓaa, adi kàde si gete get-get lé. Gar-gar nyange nè à reei kerɔte, nè à è ngang’n lé ɓai.

Marc 13:7 Iomraidhean Croise

Matthieu 18:7

Sei dooge ke njé tel jig tuge nja madesige kade osoi dann kaiya’t nga, a an-in ɓai! Gar-gar nyange ke à tugei dooge jig’t kade osoi dann kaiya’t à tooi dè nang nè. Nè doo ke njè kunde gir nyange nè nga, à an ɓai!

Matthieu 2:3

Loo ke ngar Hérode se dooge malang ke kêm ɓee-bò ke Jérusalem ooi tà nè nga titeke bè ɓaa, tà ige de sêl.

Marc 13:6

Kerɔte kuwe, dooge bule à unni ri’m le tami kedi nè: «Man nga m’ee Krist.» D’a tam bè le sú’n kum dooge bule.

Marc 13:8

Girkà ke karé à in rɔ se girkà karé ke rang, ngar-ɓee karé à in le rɔ se ngar-ɓee karé ke rang a tɔ. Nang nè à yei ɓuk-ɓuk a, ɓo à oso a tɔ. Nyange nè nga, ei tàpitem nyankêmkonge ke ndii à reei ke ree ɓai.

Jean 14:1

Jésu ede njékuwe-girnge ede nè: – Adi kêm si olé bɔt-bɔt lé. Undei kêm si dè Nube’t a, undei kêm si dè’m man’t a tɔ.

Jean 14:27

M’inye kêmlom le’m m’ade sei. M’a m’ade sei kêmlom le’m titeke dooge ke dè nang nè d’ade’n nga lé. Adi kêm si tò kekek lé a, adi kêm si tête mann lé a tɔ.

Nyanra Njekawkulege 17:3

E ɔrgir unde non de’t tite ke Krist nga gar-gar nyankêmkon à ra’n a, à unde loo tee dann njé ke koo’t gar-gar a tɔ. Paul ede de ede nè: – Jésu-Krist ke man m’ede sei tà le’n nè nga, è kuwe á è Krist.