Marc 13:35 - Nouveau Testament en Gulay 2004

³⁵ Sei géa, i ndii dè nja si’t kekek tede sei geri ndɔ éké kàde ke kuwe-kei à tel ree’n nga lé. Bainléa à è tà ndalé, éké dann loo bɔp, éké non kunje ke desêin, éké tàgir loo’t.

Marc 13:35 Iomraidhean Croise

Matthieu 14:25

Tà gir loo’t, Jésu njiye dè ba’t kum’n ke ra njékuwe-girnge’t.

Matthieu 24:42

Bè ɓaa, i ndii kum tede sei geri ndɔ tel le Kuwe-ɓee le si nga lé.

Matthieu 24:43

Maje kade i geri tà nè nga maje: loo ke kuwe-kei ger kàde ke njèɓog à ree’n ɓaa, è à ɔge kum’n ɓi le kinye loo kade mbute’n kum bolè ɓoge’n nyange le’n ke kêm kei lé.

Matthieu 24:44

Gir’n ke nè á sei géa, uwei dè nja ra si tede man ke m’ee Ngonn doo nga m’a m’tel ree dè kàde ke sei giri’t nga lé.

Marc 13:33

Undei kumkunju dè ra si’t. I ndii dè nja si’t tchên, tede sei geri ndɔ ke è ɔje nga lé.

Marc 13:37

Tà ke m’ede sei nè nga ɔje dè dooge malang a tɔ. I ndii dè nja si’t tchên kuwe.

Marc 14:30

Jésu ede Pierre ede nè: – Kerɔte kuwe, man m’edi ndàt, ɓila dann ndɔ nè kuwe, kété ɓita kade kuren kunje non nja joo nga, a i naje se rai dèm’t nja mute kede nè i ger’m lé.

Marc 6:48

E an titeke tur se njékuwe-girnge ngain loo kɔse bato kade aw ke kété tede nel tile kum de ɔse de ke gugu-gugu. Ase tite tà gir loo’t á Jésu njiye dè ba’t ɔje ke ra njékuwe-girnge’t. E ra titeke ayé tuge tà de gang bè.