Marc 13:34 - Nouveau Testament en Gulay 2004

³⁴ Nyange nè nga tooi asinan deĵ se le doo karé bè ke inye kei le’n aw mba. Kété ɓita kade aw ɓaa, è unn ndu’n ade ngann njéndige le’n le kade nanan géa tɔse kum’n dè kule’t le’n-le’n. Taɓai è unn ndu’n ade njè ngonm tà kei le kade ndi dè njann’t kekek a tɔ.

Marc 13:34 Iomraidhean Croise

Matthieu 16:19

M’a m’adi tɔgmong kɔr tà rebe Konɓee ke danrán. Nyan ke i ɔge ra dè nang nè nga ɓaa, d’a d’ɔge ra danrán tɔ. Nyan ke i inye loo ade dé ra dè nang nè nga, d’a d’inye loo kade dé ra danrán tɔ.

Jean 10:3

Njè ngonm tà rebe gar batege teen tà rebe ade’n. Batege uri mbi de ooi ndu njèkul de nga. Batege ke ei lennge nga, è ɓar de se ri de karé-karé tee se de nata.

Nje Ke Rome 13:6

Gir’n ke nè tɔ á sei ugei tirge. Njétaa tirge nga, è Nube kuwe um kule nè nga ji de’t kade rai se ngang’n lêr-lêr.

1 Nje Ke Corinthe 15:58

Titeke bè á, ngakonmge ke m’tár sei ngain, i ndai dè nja si’t njáng m i lengi lé. Awi kum si ke kété-kété dè kule’t le Kuwe-ɓee. Sei geri mbak titeke kule le Kuwe-ɓee ke sei ulei ra si ndibe i rai adi Krist nga à tel k’ee nyan ke raikarè lé.

Nje Ke Colosses 3:24

Sei geri mbak titeke Kuwe-ɓee à unde nja si a, a ingei nyan-ndube ke è unde konn tede le njé ke le’n. Kuwe si è Krist, è è á i rai kule adi nin.

Nje Ke Colosses 4:1

Sei kuwe-ɓolége, i rai ɓolége le si se dè naje’n a, se go rebe’n a tɔ. Adi kem̂ si olé titeke sei géa Kuwe si ndi danrán non tɔ.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè: