Marc 13:33 - Nouveau Testament en Gulay 2004

³³ Undei kumkunju dè ra si’t. I ndii dè nja si’t tchên, tede sei geri ndɔ ke è ɔje nga lé.

Marc 13:33 Iomraidhean Croise

Matthieu 25:13

Jésu tel ede de ɓai ede nè: – I ndii dè nja si’t tchên tede sei geri ndɔ’n éké kàde’n lé.

Marc 13:23

Nè sei ɓaa, undei kumkunju dè ra si’t ɔje dè nyange ke ndii à reei nga.

Tà ke Maje ke Luc ndang 12:40

Sei géa, i ndii dè nja si’t kekek tede man ke m’ee Ngonn doo nga, m’a m’tel ree dè kàde ke sei giri titeke m’a m’tel reenn’t lé.

Nje Ke Rome 13:14

Nè i teli i ndaji kum Kuwe-ɓee Jésu-Krist. Inyei ra si adi ngur nyange le danra ndɔr sei aw se si loo nyanra ke majelé’t lé ta.

1 Nje Ke Corinthe 16:13

I ndii kum, i ndai njáng dè kundekêm’t le si kum si ke kété-kété. I ndai dingem, uwei ra si mong a tɔ.

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

Nje Ke Colosses 4:2

Uwei ra si mong ɔji tà se Nube se ndɔge malang a, i ndii kum dè ra’n oiyo’t a tɔ.

Hebreuge 12:15

An-in go ra si maje le kade doo karé bè géa tel uwe ndube kem̂noje le Nube nga lé ta. Taɓai undei kumkunju dè ra si’t tede kade ngire wurkate ke ase tuju dooge ube dann si’t lé, nè bainléa ngire wurkate nè nga à kin tuju dooge bule ngain.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

Lookilera’n 16:15

Kuwe-ɓee tam ede nè: «An! man m’ree titeke njèɓog bè. Doo ke ndi dè njann’t a, ngonm kubuge le’n kɔtenn’t a tɔ ɓaa, ra’n à nel’n. Titeke bè á è à njiye’n mbur’n suturu lé a, ra’n à sɔl’n tàkum dooge’t lé a tɔ.»

Lookilera’n 3:2

Ute rai kalang, ade kundekem̂ lei ɓeɓer le kade gute nyanraige ke nan-in ke maji nga weii kɔke tɔ lé. Man m’an pa njiyei maje ɔr njêt tàkum Nube’t lem̂ lé.