Marc 13:32 - Nouveau Testament en Gulay 2004

³² Doo karé bè à ger ndɔ se kàde ke nyange nè à undei loo teei nga lé. Dooge ke danrán géa à geri lé a, man Ngonn doo géa m’ger lé a tɔ. Nè Bɔ’m kuwe se kar’n bere á ger.

Marc 13:32 Iomraidhean Croise

Matthieu 25:13

Jésu tel ede de ɓai ede nè: – I ndii dè nja si’t tchên tede sei geri ndɔ’n éké kàde’n lé.

Matthieu 25:19

Loo ke kur’n heb ɗak ɓaa, kuwe ngann njéndige nè tel ree le mbɔje kɔr nar le’n ke è um ji de’t nga le kan.

Matthieu 25:6

Dann loo bɔp ɓaa, doo karé tam tà beng ede nè: «An-in! njè taa dinye kige nga, i teei i tilei non’n.»

Marc 13:31

Danran se nang nè à kudi ɓai, nè tàge le’m à teli yayi ndan lé.

Nyanra Njekawkulege 1:7

Jésu ile de dè’t ede nè: – E tà le si sei le ger ndɔ’n se kàde’n ke Bɔ’m ɔje se go tɔgmong le’n è kuwe nga lé.

2 Pierre 3:10

Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.

Lookilera’n 3:3

Ade kem̂i olé dè tà ke i oo a, ke ndɔ ke i taa se kem̂i a tɔ. I ngonm tà nè nga a, i tel i tur hali rang a tɔ. Ke nè á i tel i ndikum lé ɓaa, m’a m’ree kubei nang bus tite njèɓog m a i ger kàde ke m’a m’tee’n dèi’t nga lé.